virat kohli, इंग्लंडला धुतले, टीम इंडियाला सावरले; कोहलीनं चार मोठे विक्रम रचले; पठ्ठ्या लौकिकाला जागला – india vs england t20 world cup virat kohli brings up half century creates 4 world records

विराट कोहलीनं त्याच्या अर्धशतकी खेळीनं चार मोठे विक्रम रचले. टी-२० विश्वचषक स्पर्धांमध्ये ११०० धावांचा टप्पा ओलांडण्याचा विक्रम कोहलीच्या नावे जमा झाला आहे. याआधी ही किमया कोणालाही जमलेली नाही. टी-२० विश्वचषक स्पर्धांमध्ये ११०० धावा पूर्ण करणारा कोहली पहिलाच खेळाडू आहे. त्यानंतर श्रीलंकेचा निवृत्त फलंदाज महेला जयवर्धनेचा नंबर लागतो. त्याच्या नावावर १ हजार १६ धावा आहेत.
India vs England T20 Live: सेमीफायनलसाठी रोहितने निवडला गेम चेंजर खेळाडू; कारण फक्त एकच…
विराट कोहलीनं सध्या सुरू असलेल्या टी-२० विश्वचषक स्पर्धेत २५० धावांचा टप्पा ओलांडला आहे. कोहलीनं अशी कामगिरी तीनवेळा केली आहे. इतर कोणालाच ही कामगिरी जमलेली नाही. आजचा सामना ऍडलेड ओव्हलवर होत आहे. या मैदानावर सर्वाधिक धावा करणारा पाहुणा फलंदाज कोहलीच ठरला आहे. ऍडलेडच्या मैदानावर कोहलीची बॅट नेहमीच तळपली आहे. तो सिलसिला आजही कायम राहिला. कोहलीनं आज ४० चेंडूंत ५० धावांची खेळी साकारली.
सूर्या छुपा रुस्तम निघाला! मैदानात गोलंदाजांना झोडतोय; पण ‘गुपचूप’ आणखी एक काम करतोय
टी-२०मध्ये कोहलीनं ४ हजार धावांचा टप्पा ओलांडला आहे. टी-२० मध्ये ४ हजार धावा पूर्ण करण्याचा पराक्रम कोहली वगळता कोणत्याच फलंदाजाला जमलेली नाही. ११५ सामन्यांत १०७ डावांमध्ये कोहलीनं ४ हजार ८ धावा केल्या आहेत. कोहलीनं ५२.७४ च्या सरासरीनं आणि १३७.९७ च्या स्ट्राईक रेटनं विश्वविक्रमी कामगिरी केली आहे. १२२ ही त्याची सर्वोच्च धावसंख्या आहे.