बंदी असताना महाद्वार काला; नामदेव महाराजांच्या वंशजांसह २० जणांवर गुन्हा

पंढरपूर: यंदाची संपली तरी अजूनही वाद संपायला तयार नसून ६ जुलै रोजी झालेल्या महाद्वारकाला मिरवणुकीत २० पेक्षा जास्त भाविकांनी गर्दी केल्या प्रकरणी आज संत नामदेव महाराजांचे वंशज यांच्यासह व इतरांवर गुन्हा दाखल करण्यात आला आहे. महत्त्वाचे म्हणजे १८ जुलै पासून संत नामदेवरायांचा पुण्यतिथी सोहळा सुरु होत असताना आता त्यांच्याच वंशजावर गुन्हा दाखल झाल्याने नव्या वादाला तोंड फुटण्याची चिन्हे आहेत. ( Case registered against descendants of )

दरवर्षी आषाढी व कार्तिकी यात्रेच्या गोपाळकालानंतर दुसऱ्या दिवशी हा करण्याची शेकडो वर्षांची परंपरा आहे. याहीवर्षी परंपरेनुसार सहा जुलै रोजी महाद्वार काला झाल्यानंतर काढलेल्या मिरवणुकीमुळे जमावबंदी आदेशाचे तसेच साथ रोग प्रतिबंधक अधिनियमाचे उल्लंघन केल्याच्या कारणावरून आता तब्बल १० दिवसानंतर संत नामदेव महाराजांचे वंशज नामदास महाराज तसेच मदन महाराज हरिदास यांच्यासह इतरांवर पंढरपूर पोलिसांनी गुन्हा दाखल केला आहे. आज एकूण २० जणांवर पोलिसांनी गुन्हा दाखल केला आहे.

महाद्वार काल्याचे जनक कन्हैया हरिदास यांचे विद्यमान वंशज मदन महाराज हरिदास यांच्या मस्तकावर त्यांच्या देवघरातील श्री विठ्ठलाच्या पादुका ठेवून परंपरेप्रमाणे महाद्वार काल्याचा सोहळा होत असतो. ती प्रथा यंदाही कायम ठेवण्यात आली होती.