राहुल, रोहितची एक धाव भारताला १४ हजार ७५४ रुपयांना पडली; BCCI दोघांचा ‘हिशोब’ करणार?
युझवेंद्र चहलला संधी न देणं भारतीय संघाला महागात पडलं. टी-२० विश्वचषक २०२२ च्या सुपर-१२ मध्ये आतापर्यंत ९ लेग स्पिनर्सनी मिळून १३१ षटकं टाकली. त्यात त्यांनी २२.२९ च्या सरासरीनं एकूण ४१ फलंदाजांना तंबूचा रस्ता दाखवला. या गोलंदाजांची इकॉनॉमी ६.९३ आणि स्ट्राईक रेट १९.२९ होता.
इंग्लंडनं दोन लेग स्पिनर्सना संधी दिली. तर अफगाणिस्तान, ऑस्ट्रेलिया, न्यूझीलंड, आर्यलंड, पाकिस्तान, श्रीलंका आणि झिम्बाब्वे यांनी प्रत्येकी एका लेग स्पिनरला संधी दिली. भारतासह दक्षिण आफ्रिका, नेदरलँड्स आणि बांगलादेशनं लेग स्पिनर्सला संधी दिली नाही. सध्याच्या घडीला स्पर्धेत श्रीलंकेचा गोलंदाज वानिंदू हसरंगाचं सर्वाधिक विकेट घेणारा गोलंदाज आहे.
इंग्लंडला धुतले, टीम इंडियाला सावरले; कोहलीनं चार मोठे विक्रम रचले; पठ्ठ्या लौकिकाला जागला
टी-२० विश्वचषक स्पर्धा २०२२ च्या सुपर-१२ मध्ये आतापर्यंत १७ ऑफ स्पिनर्सनी १११ षटकं गोलंदाजी केली. त्यांनी २४.४४ च्या स्ट्राईक रेट आणि ७.४६ च्या इकॉनॉमी रेटनं ३४ फलंदाजांना बाद केलं. स्पर्धेत आतापर्यंत १४ डावखुऱ्या स्लो स्पिनर्सनी १२२ षटकं टाकली. त्यांनी ७.३१ च्या इकॉनॉमी आणि २०.३९ च्या स्ट्राईक रेटनं ३६ फलंदाजांनी पॅव्हेलियनमध्ये धाडलं. याचा अर्थ लेग स्पिनर्सची इकॉनॉमी, सरासरी आणि त्यांनी घेतलेल्या विकेट्स इतर गोलंदाजांच्या तुलनेत जास्त आहेत. लेग स्पिनर्सची सरासरीदेखील वरचढ राहिली. मात्र तरीही रोहित शर्मा आणि राहुल द्रविडनं चहलला संधी दिली नाही.
