Maharashtra Political crisis | ठाकरे आणि शिंदे गटाने यंदा दसरा मेळावा एकत्र साजरा केला असता तर तो भव्यदिव्य झाला असता. त्यासाठी समेट करा, असं आमचं म्हणणं होतं. मुंबईत एका दिवशी एवढी ताकद एकवटली, जर या दोन शक्ती एकत्र आल्या, समेट घडला तर शिवसेना किती मोठी होऊ शकेल. या सगळ्याची आम्ही वाट पाहात होतो. आम्हाला राष्ट्रवादी काँग्रेस, काँग्रेसचा प्रवास उद्धव ठाकरेंनी थांबवायला हवा होता. पण ते काही आम्हाला दिसले नाही.
हायलाइट्स:
- गजानन किर्तीकर शिंदे गटात सामील
- ठाकरे गटाला मोठा झटका
गजानन किर्तीकर यांनी शिंदे गटात प्रवेश करताना पहिल्यांदाच आपली भूमिका मांडताना उद्धव ठाकरे यांच्या भूमिकेविषयी नाराजी व्यक्त केली. पक्षातील फुटीनंतर आम्ही खासदारांनी उद्धव ठाकरे यांना काँग्रेस-राष्ट्रवादीची साथ सोडा, असे सांगितले होते. पण त्यानंतरही धोरणात काही बदल होत नाही म्हणून ते १२ खासदार गेले. मी यासाठीच थांबलो होतो की काही बदल होतो का? आपण उडी मारायची आणि आपण सांगायचं समेट करा, राष्ट्रवादी सोडा असं नको म्हणून थांबलो. पण या धोरणात काही बदल झाला नाही, अशा शब्दांत गजानन किर्तीकर यांनी आपली नाराजी बोलून दाखवली.
कीर्तिकरांचं अखेर ठरलं, ठाकरेंच्या तळ्यातून शिंदेंच्या मळ्यात, बाळासाहेबांच्या शिवसेनेत प्रवेशठाकरे आणि शिंदे गटाने यंदा दसरा मेळावा एकत्र साजरा केला असता तर तो भव्यदिव्य झाला असता. त्यासाठी समेट करा, असं आमचं म्हणणं होतं. मुंबईत एका दिवशी एवढी ताकद एकवटली, जर या दोन शक्ती एकत्र आल्या, समेट घडला तर शिवसेना किती मोठी होऊ शकेल. या सगळ्याची आम्ही वाट पाहात होतो. आम्हाला राष्ट्रवादी काँग्रेस, काँग्रेसचा प्रवास उद्धव ठाकरेंनी थांबवायला हवा होता. पण ते काही आम्हाला दिसले नाही, असेही किर्तीकर यांनी म्हटले.
खासदार कीर्तिकर करणार होते शिंदे गटात प्रवेश, मात्र मुलाने कान टोचताच पिताश्री विरघळले
गजानन किर्तीकर यांची हकालपट्टी
काल मुंबईतील रवींद्र नाट्य मंदिरात पार पडलेल्या कार्यकर्ता मेळाव्यात खासदार गजानन कीर्तिकर यांनी बाळासाहेबांची शिवसेना पक्षात जाहीर प्रवेश केला. त्यामुळं कीर्तिकर यांच्यावर कारवाई करण्यात आल्याचं पत्रक खासदार विनायक राऊत यांच्याकडून जारी करण्यात आले.शिवसेना नेते गजानन कीर्तिकर यांनी पक्षविरोधी कारवाया केल्यामुळे शिवसेना (उद्धव बाळासाहेब ठाकरे) पक्षप्रमुख उध्दव ठाकरे यांच्या आदेशाने त्यांची शिवसेना नेते पदावरून हकालपट्टी करण्यात आली आहे. अशी माहिती शिवसेना (उद्धव बाळासाहेब ठाकरे ) मध्यवर्ती कार्यालयातून प्रसिद्धीस देण्यात आलेल्या पत्रकाद्वारे कळविण्यात आली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
