मुंबई: वाढलेल्या महागाईच्या दरम्यान मुंबईकरांना आणखी एक झटका बसला आहे. छत्रपती शिवाजी आंतरराष्ट्रीय विमानतळाच्या देशांतर्गत आणि आंतरराष्ट्रीय टर्मिनलवरून चालणाऱ्या प्रीपेड काळ्या-पिवळ्या टॅक्सींच्या भाड्यात वाढ करण्यात आली आहे. आंतरराष्ट्रीय टर्मिनलपासून ६ किमीसाठी सुधारित किमान भाडे १४० रुपये, तर देशांतर्गत टर्मिनलपासून ४ किमीचे भाडे ९३ रुपये असेल, असा मुंबई महानगर प्रदेश परिवहन प्राधिकरणने (MMRTA) निर्णय घेतला आहे.

एसटी बसने प्रवास करणाऱ्यांसाठी मोठी बातमी; भाडेवाढीच्या निर्णयाची आजपासून अंमलबजावणी
एमएमआरटीएने काळ्या-पिवळ्या टॅक्सी आणि ऑटोच्या भाड्यात वाढ करण्यास मान्यता दिली आहे. ४ सदस्यीय खटुआ पॅनलच्या सूत्रानुसार हे निर्णय घेण्यात आले. खटुआ पॅनेलने १२ किमीपर्यंतच्या टॅक्सी चालकांसाठी २५ टक्के आणि ४ किमीपर्यंत २० टक्के सवलत सुचवली होती. आत्तापर्यंत आंतरराष्ट्रीय टर्मिनलचे किमान भाडे १२७ रुपये आणि देशांतर्गत टर्मिनलचे ८५ रुपये होते.

मुंबईकरांसाठी मोठी बातमी; रिक्षा-टॅक्सीची दरवाढ झाली; पाहा, किती वाढले किमान भाडे
दोन हजार बसेससाठी स्टेज कॅरेज परमिटही मंजूर
दरम्यान,भाडेवाढीच्या निर्णयाबरोबरच, एमएमआरटीएने २,००० बसेससाठी स्टेज कॅरेज परमिट देखील मंजूर केले आहे. यामुळे बृहन्मुंबई इलेक्ट्रिक सप्लाय अँड ट्रान्सपोर्टला (बेस्ट) अधिक बस चालवण्याची आणि चांगली सेवा देण्याची संधी मिळणार आहे.

नाशिक-पुणे प्रवास ५१५ रुपयांत; नाशिकहून ‘या’ मार्गांवर अशी असेल भाडेवाढ
९२ नवीन टॅक्सी आणि ऑटोरिक्षा स्टँडलाही मंजुरी
प्राधिकरणाने मुंबई महानगर प्रदेशात (एमएमआर) ९२ नवीन टॅक्सी आणि ऑटोरिक्षा स्टँडलाही मान्यता दिली आहे. यामध्ये ७३ ऑटोरिक्षा स्टँड, ९ टॅक्सी स्टँड, ७ शेअर ऑटोरिक्षा स्टँड आणि ३ शेअर टॅक्सी स्टँडचा समावेश आहे.

सप्टेंबरमध्येही झाली होती भाडेवाढ
लक्षात घ्या की यापूर्वी सप्टेंबरमध्ये एमएमआरटीएने काळ्या-पिवळ्या टॅक्सी आणि ऑटो रिक्षांमधील प्रवासाभाडे अनुक्रमे किमान ३ रुपये आणि २ रुपयांनी वाढवले होते. तसेच प्राधिकरणाने काळ्या-पिवळ्या टॅक्सींमध्ये १.५ किमी अंतरासाठी किमान भाडे २८ रुपये आणि ऑटो रिक्षामध्ये समान अंतरासाठी २३ रुपये केले होते.

LEAVE A REPLY

Please enter your comment!
Please enter your name here