नवी दिल्ली: अदानी समूहाने NDTV मधील २६% सार्वजनिक हिस्सेदारी खरेदी करण्यासाठी प्रस्तावित ओपन ऑफरसाठी नवीन तारीख निश्चित केली आहे. न्यूज ब्रॉडकास्टरने भारतीय स्टॉक एक्स्चेंजला याबाबतची माहिती दिली आहे. NDTV साठी अदानीची ओपन ऑफर आता २२ नोव्हेंबरला सबस्क्रिप्शनसाठी उघडेल आणि ५ डिसेंबरला बंद होईल. यापूर्वी अदानीने ओपन ऑफरसाठी १७ ऑक्टोबर ते १ नोव्हेंबर ही तारीख दिली होती.

ऑगस्टमध्ये गौतम अदानी यांच्या कंपनीने विश्वप्रधान कमर्शियल प्रायव्हेट लिमिटेड (VCPL) विकत घेतली. व्हीसीपीएलने अदानीच्या संस्थापकांना ४०० कोटी रुपयांचे कर्ज दिले आहे. व्हीसीपीएलने दशकभरापूर्वी हे कर्ज दिले होते. कर्ज वॉरंटच्या बदल्यात एनडीटीव्ही मधील २९.१८ टक्के भागभांडवल कोणत्याही वेळी विकत घेण्याची परवानगी देण्यात आली होती.

अदानी ग्रुपची NDTV मध्ये २९. १८ टक्के भागिदारी खरेदीची घोषणा, वाहिनीच्या प्रमोटर्सची बाजू समोर
ओपन ऑफरद्वारे १.६७ कोटी इक्विटी शेअर्सची खरेदी
VCPL सोबत AMG मीडिया नेटवर्क्स आणि अदानी एंटरप्रायझेस लिमिटेडने २९४ रुपये प्रति शेअर या ऑफर किंमतीवर अतिरिक्त २६ टक्के स्टेक किंवा १.६७ कोटी इक्विटी शेअर्स विकत घेण्याची ऑफर दिली आहे.

एकाच वर्षात १५२ डॉलर्सची संपत्ती गमावणारा अब्जाधीश; आता अदानी करणार मोठा उटलफेर
अदानी ने NDTV मध्ये कशी हिस्सेदारी मिळवली

AMG मीडिया नेटवर्क्स लिमिटेड (AMNL) ही अदानी समूहाची मीडिया कंपनी आहे. तर AMNL ही अदानी एंटरप्रायझेस लिमिटेड (AEL) ची १००% उपकंपनी आहे. AMNL ची पूर्ण मालकीची उपकंपनी विश्वप्रधान कमर्शियल प्रायव्हेट लिमिटेड (VCPL) आहे. VCPL ने NDTV ची प्रवर्तक समूह कंपनी RRPR होल्डिंग्स प्रायव्हेट लिमिटेडचे ९९.५ टक्के इक्विटी शेअर्स विकत घेतले. एनडीटीव्हीमध्ये आरआरपीआर होल्डिंग्सची २९.३० टक्के हिस्सेदारी आहे. अशा प्रकारे एनडीटीव्हीची हिस्सेदारी अदानी समूहाकडे आली.

अदानी विल्मरला तिमाहीत मोठा सेटबॅक, शेअर्सची गडगडले; गुंतवणूकदारांनी काय काळजी घ्यावी?
ओपन ऑफरची गरज काय
अदानी समूहाची सध्या NDTV मधील बहुसंख्य भागीदारी २९.३० टक्के आहे. पण ५१ टक्के किंवा त्याहून अधिक भागभांडवल अदानीकडे आल्याशिवाय मालकी मिळणार नाही. अदानी समुहाकडे २९.३० टक्के भाग झाल्यानंतर त्यांना नियमांनुसार ओपन ऑफर देण्याचा अधिकार असून त्यांना ओपन ऑफर आणून कंपनीच्या इतर भागधारकांकडून अतिरिक्त २६ टक्के स्टेक विकत घ्यायचंय. अशाप्रकारे, अदानीकडे NDTV मध्ये एकूण ५५.३ टक्के हिस्सा असेल आणि त्यांना मालकी हक्क मिळतील.

थकीत कर्जात बुडाले
अदानी समूहाकडे NDTV समभाग येण्याचे कारण म्हणजे थकीत कर्ज आहे. हे कर्ज एनडीटीव्हीचे संस्थापक प्रणॉय आणि राधिका रॉय यांनी २००९-१० मध्ये मुकेश अंबानी यांच्याशी संबंधित कंपनीकडून घेतले होते. विश्वप्रधान कमर्शियल प्रायव्हेट लिमिटेडने (व्हीसीपीएल) एनडीटीव्हीची प्रवर्तक कंपनी आरआरपीआर होल्डिंग प्रायव्हेट लिमिटेडला ४०३.८५ कोटी रुपयांचे कर्ज दिले होते. या व्याजमुक्त कर्जाच्या बदल्यात RRPR ने VCPL ला वॉरंट जारी केले. या वॉरंटनुसार कंपनी पैसे परत करण्यात अयशस्वी झाल्यास, कर्जदाराला RRPR मधील ९९.९ टक्के हिस्सा घेण्याचा अधिकार असेल. व्हीसीपीएलची मालकी २०१२ मध्ये बदलली. आणि अदानी समूहाच्या फर्मने प्रथम व्हीसीपीएलचे अधिग्रहण केले आणि नंतर थकीत कर्जाचे मीडिया कंपनीतील २९.१८ टक्के भागभांडवलात रूपांतर करण्याचा पर्याय वापरला.

LEAVE A REPLY

Please enter your comment!
Please enter your name here