kidney stone, किडनी स्टोन काढण्यासाठी सर्जरी; ६ महिन्यांनंतर असह्य वेदना; रिपोर्ट पाहून होमगार्ड हादरला – uttar pradesh mans kidney missing after stone removal surgery

५३ वर्षांचे सुरेश चंद्रा कासगंज येथील मुख्य विकास अधिकाऱ्यांच्या कार्यालयात कर्तव्यावर आहेत. किडनी शस्त्रक्रियेची चौकशी करण्याचे आदेश कासगंजचे मुख्य विकास अधिकारी सचिन यांनी दिले आहेत. मुख्य आरोग्य अधिकाऱ्यांना या संदर्भात तपासाच्या सूचना देण्यात आल्या आहेत. त्यांनी अहवाल देण्यास सांगण्यात आलं आहे, असं सचिन म्हणाले. ज्या रुग्णालयात चंद्रा यांच्यावर शस्त्रक्रिया झाली, त्यांच्याशी संपर्क साधण्याचा प्रयत्न केला असता त्यांच्याकडून प्रतिक्रिया देण्यात आली नाही.
अंगणात खेळत होता चिमुकला, हाताला मुंग्या चावल्यानं घरात पळाला; काही तासांत अनर्थ घडला
सुरेश चंद्रा कासगंजच्या नागला ताल गावचे रहिवासी आहेत. १४ एप्रिलला शस्त्रक्रियेआधी अल्ट्रासाऊंड चाचणी करण्यात आल्याचं त्यांनी सांगितलं. डाव्या बाजूच्या किडनीत स्टोन झाल्याचं अहवालात नमूद करण्यात आलं होतं. डायग्नॉस्टिक सेंटरच्या बिलिंग काऊंटरवरील व्यक्तीनं मला अलिगढ येथील एका खासगी रुग्णालयात जाण्यास सांगितलं. १४ एप्रिललाच मी तिथे ऍडमिट झालो, असा घटनाक्रम सुरेश चंद्रा यांनी सांगितला.
दारुच्या नशेत अजगरासोबत मस्करी; मग अजगरानं मजा घेण्यास सुरुवात केली; पुढे काय झालं?
१४ एप्रिललाच माझ्यावर शस्त्रक्रिया करण्यात आली. किडनी स्टोन काढण्यात आल्याचं डॉक्टरांनी मला सांगितलं. त्यांनी मला काही औषधं लिहून दिली. १७ एप्रिलला मला डिस्चार्ज देण्यात आला. २९ ऑक्टोबरला मला ओटीपोटाच्या खालच्या भागात असह्य वेदना होऊ लागल्या. माझे जुने अहवाल आणि पोटावर असलेली शस्त्रक्रियेची खूण पाहून कासगंजमधील डॉक्टरांनी अल्ट्रासाऊंड स्कॅन करण्यास सांगितलं. माझी किडनी काढण्यात आल्याचं अहवालातून मला समजलं. ज्या रुग्णालयात शस्त्रक्रिया झाली ते रुग्णालय खासगी होतं. मी त्यांच्याशी संपर्क साधला. पण मला त्यांच्याकडून कोणतंही समाधानकारक उत्तर मिळालं नाही. त्यानंतर मी माझ्या वरिष्ठांकडे तक्रार केली. त्यांनी मला तपासाचं आणि कारवाईचं आश्वासनं दिल्याचं चंद्रा यांनी सांगितलं.