sania mirza, घटस्फोटाची चर्चा असताना सानिया मिर्झा-शोएब मलिकची मोठी घोषणा; अनेकजण बुचकळ्यात – sania mirza shoaib malik divorce saga gets new twist star couple to host tv show together

सानिया आणि शोएब मलिक घटस्फोट घेणार असल्याच्या बातम्या काही दिवसांपासून येत आहेत. पाकिस्तान आणि यूएईमधील माध्यमांनी याबद्दलची माहिती सर्वप्रथम दिली. दोघांच्या नात्यात सारं काही आलबेल नसल्याच्या चर्चा झाल्या. एका कार्यक्रमादरम्यान शोएबनं सानियाचा विश्वासघात केल्याचा दावा करण्यात आला. मात्र या प्रकरणी सानिया आणि शोएब यांनी अधिकृतपणे कोणतंही भाष्य केलेलं नाही. या दोघांचे काही व्यावसायिक करार आहेत. त्यामुळे याबद्दलची अधिकृत घोषणा होत नसल्याचं सांगण्यात येत होतं. या पार्श्वभूमीवर नव्या कार्यक्रमाची घोषणा झाली आहे. त्यामुळे अनेकजण बुचकळ्यात पडले आहेत.

शोएब मलिकचं नाव मॉडल आएशा उमरशी जोडलं गेलं. त्यांनी केलेल्या फोटोशूटची बरीच चर्चा झाली. फोटोही व्हायरल झाले. शोएब आणि आएशा एकमेकांना डेट करत असल्याच्या बातम्या आल्या. त्यामुळेच सानिया आणि शोएब घटस्फोट घेणार असल्याच्या चर्चा झाल्या. मात्र आता मिर्झा मलिक शोची घोषणा झाली आहे. त्यामुळे सस्पेन्स वाढला आहे. दोघं खरंच घटस्फोट घेत आहेत? दोघांमध्ये सगळं आलबेल आहे का? असे प्रश्न अनेकांना पडले आहेत. बहुधा या सगळ्या प्रश्नांची उत्तरं टॉक शोमधून मिळतील.