dombiwali police, पोलिसांना सलाम! १२ वर्षीय चिमुकला पुन्हा आईच्या कुशीत; अपहरणानंतर अवघ्या ७५ तासांत सुटका – good news after the abduction of a 12 year old boy the police rescued him in just 75 hours in dombiwali

डोंबिवली : दीड कोटी रुपयांच्या खंडणीसाठी १२ वर्षीय मुलाचे अपहरण करण्यात आल्याची घटना डोंबिवली शहरात उघडकीस आली आहे. मुलगा बेपत्ता झाल्याची तक्रार येताच २०० पेक्षा अधिक पोलीस कर्मचाऱ्यांची २० पथक बनवून तीन दिवस शोध मोहीम राबवल्यानंतर अखेर सुरत येथून आरोपींना बेड्या ठोकल्या आहेत. अटक करण्यात आलेले आरोपी हे सराईत गुन्हेगार असून मुलाचं अपहरण केल्यानंतर ते विविध राज्यांमध्ये फिरत होते, असंही स्पष्ट झालं आहे.

डोंबिवलीतील १२ वर्षीय मुलाचे अपहरण केल्यानंतर नाकाबंदीत पकडले जाऊ नये यासाठी आरोपी मुख्य मार्ग सोडून गावातील अंतर्गत मार्गातून ये-जा करत होते. मात्र ठाणे जिल्हा, नाशिक जिल्हा ,पालघर जिल्हा, सिल्वासा व गुजरात पोलिसांनी मिळून मुलाची सुटका करत आरोपींना अखेर ताब्यात घेतलं आहे. पोलिसांच्या भीतीने आरोपी गाड्या सोडून जंगलात पळून गेले होते. त्यानंतर आरोपींच्या शोधासाठी पोलिसांनी ५० हजार रुपयांचे बक्षीस जाहीर करत स्थानिक नागरिकांची मदत घेतली.

१९ वर्षीय तरुणाने नदीच्या पुलावर स्कुटीसह कॉलेजची बॅग ठेवली अन्…; तिसऱ्या दिवशी कुटुंबाला धक्का

दरम्यान, ७५ तासांनंतर पोलिसांनी दोन पुरुषांसह तीन महिलांना अटक केली आहे. फरहशहा फिरोजशहा रफाई , प्रिस कुमार सिंग, शाहीन मेहतर, फरहिंद सिंग आणि नाझिया रफाई अशी या अपहरण करणाऱ्या आरोपींची नावे आहेत.

दरम्यान, अपहरण करणाऱ्या आरोपींवर याआधी हत्या, दारूची तस्करी व घरफोडी असे अनेक गंभीर गुन्हे दाखल आहेत.