जयराम रमेश यांनी यावेळी सांगितले की, कन्हैया कुमारची मागणी सर्वसामान्यांकडून होत आहे. प्रत्येकाला त्याला बघायचं असतं, ऐकायचं असतं. लोकांना तो आवडतो. त्याच्यासाठी देशभरातून मागणी येत आहे. भारत जोडो यात्रेसाठी राहुल गांधी यांच्यानंतर काँग्रेस पक्षात कन्हैया कुमार हा दुसरा सर्वात लोकप्रिय नेता आहे.
मुंबई पोलिसांना आपणही कराल सलाम! ११ महिन्यांच्या अथक परिश्रमानंतर असे पकडले चोर
जयराम रमेश पुढे म्हणाले की, काँग्रेसच्या भारत जोडो यात्रेने आतापर्यंत जवळपास ५५ टक्के अंतर कापले आहे. या प्रवासात राहुल गांधींनंतरचा सर्वात लोकप्रिय नेता म्हणजे कन्हैया कुमार. देशात सर्वत्र कन्हैया कुमारला बोलावले जात आहे. ते म्हणाले की, आत्तापर्यंत ६७ दिवसांत भारत जोडो यात्रा पाच राज्यांतील २७ जिल्ह्यांतून गेली आहे. कन्हैया कुमारला सर्वत्र पसंती मिळाली आहे.
पाकिस्तानला नमवत इंग्लंडने कोरले टी-२० विश्वचषकावर नाव, ठाकरेंची चाणाक्ष खेळी… वाचा, मटा ऑनलाइनचे टॉप १० न्यूज बुलेटीन
जयराम रमेश पुढे म्हणाले की, बिहारमध्येही भारत जोडो यात्रा सुरू होत आहे. २८ डिसेंबरपासून ही यात्रा सुरू होणार असल्याचे त्यांनी सांगितले. ही यात्रा बिहारमधील बांका येथून सुरू होईल आणि बोधगया येथे संपेल. एकूण १७ जिल्ह्यांतून ही यात्रा जाणार आहे. या दरम्यान एकूण १२०० किमी अंतर कापले जाईल. बिहारमध्ये होणाऱ्या या यात्रेत राहुल गांधी सहभागी होणार नसल्याचे त्यांनी सांगितले. या यात्रेत राज्यातील सर्व नेते सहभागी होणार आहेत.
ENG vs PAK: एका ‘पाकिस्तानी’नेच वाजवला पाकिस्तानचा बँड, बाबर चौथ्यांदा आदिल रशीदचा बळी
