pmpl bus driver and bike driver clash, Pune News : PMPL बस चालक आणि तरुणांमध्ये तुंबळ हाणामारी, चपलीने एकमेकांशी भिडले; Video व्हायरल – clash between pmpl bus driver and bike driver in pune

पुणे : पुण्यात भर रस्त्यात तुंबळ हाणामारी सुरू असल्याचा एक व्हिडिओ सध्या व्हायरल होत आहे. यामध्ये रस्त्यावरून जाणाऱ्या बाईकवरील दोन तरुण आणि PMPL चालक यांच्यात जोरदार हाणामारी झाली. यामध्ये तरुणांचा चालकासोबत आणि वाहकासोबत फ्री स्टाईल हाणामारी झाली. याचा व्हिडिओ सध्या व्हायरल झाला असून पोलीस तपास सुरू असल्याची माहिती आहे.

मिळालेल्या माहितीनुसार, बाईकवरील दोन तरुणांनी चक्क चपलेने PMPL चालकाला मारहाण केली. तुम्ही व्हिडिओमध्ये पाहू शकता कशाप्रकारे ही हाणामारी सुरू आहे. पुण्यात सलग तिसऱ्या दिवशी असा प्रकार घडल्याने आता नागरिकांची सुरक्षाही धोक्यात आहे. दरम्यान, या प्रकरणी दोघांनी एकमेकांविरोधात पोलिसांत तक्रारी दाखल केल्या आहेत.

काहीतरी घडावं म्हणून तीच महिला मुद्दाम समोर आली; आव्हाडांच्या पत्नीचा गंभीर आरोप
रविवारी स्वारगेट डेपोची बस क्रमांक ७९९ डीआर २५५० ही सुसाट वेगाने पुणे स्टेशन परिसरात आली. बसच्या जवळून दुचाकीवरुन दोन तरुण जात होते. यावेळी तरुणांनी रागात आपली बाईक बसच्या पुढे लावली. त्यामुळे चालकाने त्यांना हटकलं. यानंतर दोघांमध्ये एकमेकांच्या चुका सांगत बाचाबाची झाली. या भांडणाचं रुपांतर हाणामारीत झालं. अशात तरुणांनी थेट PMPL बस चालकाची कॉलर पकडून चपलांनी मारण्यास सुरुवात केली.

दरम्यान, बसच्या चालकाला मारताहेत हे पाहून बसचा वाहक देखील दुसऱ्या तरुणावर तुटून पडला. ही तुफान हाणामारी प्रवाशांनी मोबाईल कॅमेऱ्यात शूट केली. इतक्यात काही उपस्थित नागरिकांनी ही भांडणं सोडवण्याचा प्रयत्न केला. मात्र, ते दोघे तरुण ऐकण्याच्या मनस्थितीत नव्हते. त्यामुळे या प्रकरणी मारहाण करणाऱ्या दोन तरुणांवर बंडगार्डन पोलीस ठाण्यात PMPL प्रशासनाने गुन्हा दाखल केला असून तरुणांना अटक करण्यात आली आहे.

कोणी टॉम बॉय, तर कोणी गोलू-मोलू; बॉलिवूडचे बोल्ड स्टार्स लहानपणी कसे दिसायचे