तज्ज्ञ काय म्हणतात?
क्वांटम एएमसीच्या मुख्य व्यवसाय अधिकारी रीना नाथानी म्हणाल्या, ‘म्युच्युअल फंड योजनांच्या सर्व श्रेणी आणि उप-श्रेणी जोखीम-परताव्याच्या स्पेक्ट्रमवर वेगळ्या रणनितीवर काम करतात. गुंतवणूकदारांनी योजनेतील गुंतवणूक आणि त्यातील जोखीम-परतावा चांगल्या प्रकारे समजून घ्यायला हवा. तुमच्या जोखीम प्रोफाइल, गुंतवणुकीचे उद्दिष्ट, वेळ आणि तुमच्या आर्थिक उद्दिष्ट पूर्ण करू शकणाऱ्या योजना निवडा.
म्युच्युअल फंडांनी बनवले करोडपती, ‘या’ फंडमध्ये गुंतवणूकदाराचे १० हजाराचे झाले १.८ कोटी
नाथानी पुढे म्हणाल्या की, ‘महागाई वाढत आहे हे लक्षात घेता, कार्यक्षम महागाई-समायोजित परतावा, मिळवणे अत्यावश्यक आहे. सर्वसमावेशक चाचणी केलेल्या १२-२०-८० मालमत्ता वाटप मॉडेलचे अनुसरण करणे फायदेशीर ठरेल, जे तुमच्या सर्व गुंतवणूक गरजांसाठी एक सोपे सूत्र आहे. म्हणूनच, म्युच्युअल फंडांद्वारे गुंतवणुकीच्या बाबतीतही बाजारातील जोखीम कमी करण्यासाठी गुंतवणुकीचे वाटप केले जाऊ शकते.
श्रीमंत व्हायचंय तर मग म्युच्युअल फंडाचा १५ x १५ x १५ नियम जाणून घ्या, कमी वेळेत मिळेल जास्त रिटर्न्स
असे वाटप कसे करायचे? (Asset allocation)
नाथानी म्हणाल्या की, ‘१२ महिन्यांचे नियमित खर्च (कर्जावरील EMI सह) वेगळ्या बचत खात्यात किंवा लिक्विड फंड (जो तुमच्या आपत्कालीन गरज पूर्ण करेल) मध्ये ठेवा. तुमच्या संपूर्ण पोर्टफोलिओपैकी सुमारे २० टक्के गुंतवणूक सोन्यामध्ये करा (गोल्ड फंड किंवा गोल्ड ईटीएफद्वारे), जेणेकरून तुम्ही तुमच्या पोर्टफोलिओमध्ये अधिक चांगले वैविध्य आणू शकता. उर्वरित ८० टक्के पोर्टफोलिओ इक्विटी म्युच्युअल फंडाच्या विविध उप-श्रेणींमध्ये गुंतवा, ज्यामुळे तुम्हाला महागाईवर मात करण्यात आणि तुमची अंदाजित आर्थिक उद्दिष्टे साध्य करण्यात मदत होईल. ही मालमत्ता वाटप धोरण तुमच्या पोर्टफोलिओला स्थिरता, वाढ आणि संरक्षण प्रदान करू शकते.’
