thane crime, बायको घर सोडून गेली, बापाचे पोराला सतत टोमणे; संतापलेल्या मुलाने केलं असं काही… – the wife left the house the father constant taunting of the son the enraged son killed the father

अंबरनाथ पूर्वेतील दत्तकुटीर परिसरात देविदास किसन सूर्यवंशी (वय ६०) आपल्या कुटुंबासोबत राहत होते. त्यांचा मुलगा प्रकाश रिक्षाचालक आहे. कौटुंबिक वादातून प्रकाशची पत्नी काही दिवसांपूर्वी त्याला सोडून माहेरी निघून गेली होती. यावरून प्रकाशचे वडील देविदास त्याला सतत टोमणे मारत होते. पत्नीचे निघून जाणे आणि घरात वडिलांकडून होणारा अपमान यामुळे प्रकाशचे मानसिक संतुलन बिघडले होते. रविवारी संध्याकाळी प्रकाश घरी आला. तो जेवण करण्यासाठी बसला असता देविदास यांनी त्याला पुन्हा पत्नी सोडून गेल्याच्या कारणावरून बोलण्यास सुरुवात केली. त्यामुळे संतापलेल्या प्रकाशने घरातील एक लाकडी फळी थेट देविदास यांच्या डोक्यात मारली. या मारहणीत त्यांचा मृत्यू झाला.

भारताची शांततेची साद; रशिया-युक्रेन संघर्ष चर्चेतूनच सोडवण्याचा PM नरेंद्र मोदी यांचा आग्रह
कौटुंबिक हिंसेतून झालेल्या हत्येची माहिती मिळताच शिवाजी नगर पोलिसांनी घटनास्थळी धाव घेतली. देविदास यांचा मृतदेह शवविच्छेदनासाठी शासकीय रुग्णालयात पाठवण्यात आला. या प्रकरणी प्रकाशविरोधात हत्येचा गुन्हा दाखल करून त्याला अटक करण्यात आल्याची माहिती शिवाजी नगर पोलिसांनी दिली आहे.