Titwala Railway Station : टिटवाळा स्थानकात राडा, लोकल ट्रेन उशिराने येत असल्याने संतप्त प्रवाशांचे आंदोलन – angry passengers protest at titwala station rail roko andolan

मुंबईकडून येणाऱ्या लोकल सतत उशिराने येत असल्याने संतप्त झालेल्या प्रवासी थेट रेल्वे रूळावर उतरले आणि त्यांनी रेल रोकोचा प्रयत्न केला. प्रवाशांनी रेल्वे रूळावर उभं राहून १५ मिनिटं आंदोलन केलं. मध्य रेल्वेच्या टिटवाळा रेल्वे स्थानक परिसरात आज सकाळी हा प्रकार घडला. मात्र प्रवासी रेल्वे रुळांवर उतरल्याने गाड्यांचे वेळापत्रक काहीसे कोलमडले आहे.

मुंबईकडून येणाऱ्या लोकल गाड्या सतत उशिराने येत असल्याने प्रवाशांना कामावर जायलाही उशिर होत होतो. आजही तसाच प्रकार घडल्याने तब्बल १५ ते २० मिनिटं लोकल उशिराने येत असल्याने प्रवाशांच्या सहनशिलतेचा अंत झाला आणि ते थेट रेल्वे रुळांवर उतरले. प्रवासी १५ मिनिटांनी रेल्वे रुळावर होते. पोलिसांनी तातडीने हस्तक्षेप करत या प्रवाशांना बाजूला करत रेल्वे वाहतूक पुन्हा सुरू केली आहे.