नवी दिल्ली : पृथ्वीवरील मानवाच्या संख्येने मंगळवार, १५ नोव्हेंबरला आठ अब्जचा आकडा पार केला. जिथे एक अब्ज ते दोन अब्ज ही लोकसंख्या गाठण्यासाठी शंभर वर्षांचा काळ लोटावा लागला होता, तिथे सात अब्ज ते आठ अब्जापर्यंतची लोकसंख्येतील वाढ जगाने केवळ १२ वर्षांत पूर्ण केली. अखेरच्या अब्ज लोकसंख्येच्या वाढीत सर्वाधिक वाटा भारताचा राहिला असून, यामध्ये देशातील १७ कोटी ७० लाख लोकांचा समावेश असून, ७.३ कोटी लोकसंख्येसह चीन दुसऱ्या क्रमांकावर आहे.

मानवी प्रवासातील महत्त्वपूर्ण टप्पा
– हजारो वर्षांपासून १८००पर्यंत जगाची लोकसंख्या एक अब्जाहून कमी होती.

– लोकसंख्येमध्ये एक ते दोन अब्जांपर्यंत वाढ होण्यास १००हून अधिक वर्षे लागली.

– लोकसंख्येच्या घड्याळाने १५ नोव्हेंबरला ८,००,००,००,०००चा आकडा दाखवला.

‘संयुक्त राष्ट्रे लोकसंख्या निधी’चे ट्वीट
– आठ अब्ज आशा. आठ अब्ज स्वप्ने. आठ अब्ज शक्यता. आपली पृथ्वी आता आठ अब्ज लोकांचे निवासस्थान आहे.

– आपण एकत्रितपणे आठ अब्ज लोकांची भरभराट करणारे जग निर्माण करू शकतो.

– गरिबी व लैंगिक असमानता दूर करणे, आरोग्यसेवेतील प्रगती आणि शिक्षणाच्या पुरस्कार यांतून झालेली लोकसंख्येतील वाढ ही मानवतेच्या कर्तबगारीचा पुरावा आहे.

संयुक्त राष्ट्रांच्या अंदाजानुसार…
– मागील शतकात जगाच्या लोकसंख्येत तुलनेने झपाट्याने वाढ.

– वाढीचा वेग हळूहळू कमी होत असतानाही जागतिक लोकसंख्या २०३७च्या सुमारास नऊ अब्जांपर्यंत.

– २०५८च्या सुमारास ती १० अब्जांचा टप्पा ओलांडू शकते.

– २०८०च्या दशकात जगाची लोकसंख्या १०.४ अब्जांपर्यंत पोहोचेल व २१००पर्यंत जवळपास तेवढीच राहील.

भारताची सर्वाधिक भर
– जगाच्या अखेरच्या एक अब्ज वाढीत भारताचे १७ कोटी ७० लाख लोकसंख्येची भर.

– भारत पहिल्या क्रमांकावर तर, ७.३ कोटी लोकसंख्येसह चीन दुसऱ्या क्रमांकावर

– पुढील वर्षी चीनला मागे टाकून भारत जगातील सर्वाधिक लोकसंख्या असलेला देश बनणार

– २०२२मध्ये भारताची लोकसंख्या १.४१२ अब्ज, तर चीनची १.४२६ अब्ज

– २०५०मध्ये भारताची लोकसंख्या १.६६८ अब्ज असेल. या शतकाच्या मध्यापर्यंत ती चीनच्या १.३१७ अब्ज लोकसंख्येच्या पुढे जाण्याचा अंदाज

सर्वाधिक किशोरवयीन भारतात
– २०२२मध्ये भारतातील ६८ टक्के लोकसंख्या १५ ते ६४ वयोगटातील

– ६५ आणि त्याहून अधिक वयाचे लोक लोकसंख्येच्या सात टक्के

– २७ टक्के लोकसंख्या १५ ते २९ वयोगटातील

– जगातील सर्वाधिक २५ कोटी ३० लाख किशोरवयीन लोकसंख्या (१० ते १९ वर्षे) भारतात

तज्ज्ञ म्हणतात…
– सन २०२३मध्ये लोकसंख्येच्या बाबतीत चीनला मागे टाकताना भारताने याकडे संधी म्हणून पाहावे

– यामुळे जगासाठी संसाधननिर्माता बनण्याला वाव

– उत्तम नियोजनासह आठ अब्ज लोकांना निरोगी आणि आनंदी जीवन प्रदान करण्याची संधी

– भारताने गर्भनिरोधकांची अपुरी गरज दूर करण्यावर लक्ष केंद्रित करणेही गरजेचे

LEAVE A REPLY

Please enter your comment!
Please enter your name here