LIC Q2 Results: एलआयसीचे दुसऱ्या तिमाहीत उत्कृष्ट निकाल, कंपनीचे प्रीमियम अनेक पटींनी वाढले
लाइफ इन्शुरन्स कॉर्पोरेशन ऑफ इंडियाचे (LIC) शेअर्स सध्याच्या किंमतीपेक्षा ३० टक्क्यांहून अधिक परतावा देऊ शकतात, असा अंदाज विश्लेषकांचा आहे. गेल्या ६ महिन्यांत एलआयसी शेअर्समध्ये २५ टक्क्यांहून अधिक घसरली आहे, पण बाजार तज्ञांनुसार आता स्टॉकला गती मिळेल. मोतीलाल ओसवाल फायनान्शिअल सर्व्हिसेसने स्टॉकचे ‘बाय’ (Buy) रेटिंग कायम ठेवले आहे. मार्केट शेअरच्या बाबतीत ६७ टक्क्यांहून अधिक बाजारपेठेसह कंपनी देशातील सर्वात मोठी आहे. पुढील आर्थिक वर्षासाठी APE CAGR २० टक्के असण्याचा अंदाज आहे.
शेअर लिस्ट होताना अनेकांनी खिल्ली उडवली; ६ महिन्यानंतर LICने दिली सर्वात मोठी आणि आनंदाची बातमी
शेअरच्या किमती ३० टक्क्यांनी वाढणार
एलआयसी स्टॉकची लक्ष्य किंमत ८७० रुपये आहे. १५ नोव्हेंबर रोजी बाजार बंद झाल्यानंतर शेअरची किंमत ६५३.८० रुपये होती. तर गेल्या ६ महिन्यांत स्टॉक २५.३० टक्क्यांनी घसरला आहे.
अहवालानुसार, कंपनीने आर्थिक वर्ष २३ च्या पहिल्या सहामाहीत तीन नवीन उत्पादने लाँच केली. यामध्ये LIC विमा रत्न, LIC धन संच आणि LIC पेन्शन प्लस यांचा समावेश आहे. तसेच, एलआयसीने जुलै ते सप्टेंबर या कालावधीत १५,९५२ कोटी रुपयांचा नफा कमावला, जो मागील वर्षीच्या तिमाहीत १,४३४ कोटी रुपये होता. तसेच एकूण प्रीमियम उत्पन्न देखील १,३२,६३१.७२ कोटी रुपयांपर्यंत वाढले आहे.
LIC चा शेअर घेणं फायद्याचं की तोट्याचं? वाचा काय आहे ब्रेकरेजचा सल्ला
गुंतवणूकदारांना चांगले दिवस आले!
सोमवारी सुरुवातीच्या व्यवहारादरम्यान, बीएसईवर एलआयसीचे शेअर्स ६.६६ टक्क्यांनी वाढून ६६९ रुपये प्रति शेअरवर व्यवहार करत होते. त्याच वेळी, नॅशनल स्टॉक एक्सचेंजच्या निफ्टीमध्ये कंपनीचे शेअर्स ६.४५ टक्क्यांनी वाढून ६६८.२० रुपयांच्या पातळीवर पोहोचले.
गेल्या एका महिन्यात NSE वर कंपनीच्या शेअर्समध्ये ८.५८ टक्क्यांची वाढ झाली आहे. मात्र, या तेजीनंतरही कंपनीचे शेअर्स लिस्टिंग किमतीपेक्षा खूपच खाली आहेत. लक्षात घ्या की एलआयसीचे शेअर्स नॅशनल स्टॉक एक्स्चेंजवर ८७२ रुपयांवर लिस्ट झाले होते. तर कंपनीची इश्यू किंमत ९४९ रुपये होती.
शेअर्स ९०० रुपयांच्या पुढे जाणार!
ब्रोकरेज फर्म ICICI सिक्युरिटीजच्या मते, पॉलिसींच्या अतिरिक्त वितरणामुळे नवीन व्यवसायात वाढ झाली आहे. हे भारतीय जीवन विम्यापेक्षा एलआयसीला उत्तम गुंतवणूक प्रस्ताव बनवते. यामुळेच ब्रोकरेज हाऊसेस या स्टॉकवर तेजीत आहेत. आयसीआयसीआय सिक्युरिटीजने एलआयसी शेअर्सवर ९१७ रुपयांच्या लक्ष्य किंमतीसह ‘बाय’ रेटिंग कायम ठेवली आहे.
(नोट: येथे केवळ स्टॉकच्या कामगिरीबद्दल माहिती दिली आहे, आणि गुंतवणुकीचा सल्ला नाही. शेअर बाजारात गुंतवणूक करणे जोखमीच्या अधीन आहे आणि गुंतवणूक करण्यापूर्वी तुमच्या सल्लागाराचा सल्ला घ्या.)
