Eknath Shinde meet Prakash Ambedkar : राज्याचे मुख्यमंत्री एकनाथ शिंदे आज प्रकाश आंबेडकर यांची भेट घेणार आहेत. आज दुपारी दीड वाजण्याच्या सुमारास आंबेडकर यांच्या राजगृह निवासस्थानी ही भेट होणार असल्याची माहिती आहे. दुसरीकडे मुख्यमंत्री शिंदे आणि उपमुख्यमंत्री फडणवीस आजच इंदू मिल येथे जाऊन डॉ. बाबासाहेब आंबेडकर यांच्या स्मारकाच्या कामाची पाहणी करणार असल्याचीही माहिती आहे.
हायलाइट्स:
- एकनाथ शिंदे प्रकाश आंबेडकर यांची भेट घेणार
- आज दुपारी दीड वाजता राजगृह निवासस्थानी भेट
- सेना-वंचितच्या युतीच्या चर्चा सुरु असताना भेट
पत्रकार, समाजसुधारक आणि फर्डे वक्ते केशव सीताराम ठाकरे उर्फ प्रबोधनकार ठाकरे यांच्या स्मृतिदिनानिमित्त येत्या २० नोव्हेंबरला मुंबईतील शिवाजी मंदिरमध्ये ‘प्रबोधन डॉट कॉम’ या संकेतस्थळाचं लोकार्पण होणार आहे. या कार्यक्रमासाठी उद्धव ठाकरे आणि प्रकाश आंबेडकर एकाच मंचावर येणार आहेत. दोन्ही मान्यवरांच्या हस्ते हा लोकार्पण सोहळा पार पडणार आहे. गेल्या काही दिवसांपासून वंचित-शिवसेना युतीच्या चर्चांनी जोर धरलाय. वंचितने तर शिवसेनेला युतीचा प्रस्ताव दिल्याचीही चर्चा आहे. अशा वेळी दोघे नेते एका व्यासपीठावर येत असल्याने संभाव्य युतीवर काही बोलणार का? याकडे महाराष्ट्राचे लक्ष लागलेले असतानाच आज मुख्यमंत्री एकनाथ शिंदे प्रकाश आंबेडकर यांची भेट घेत असल्याने दोघांमध्ये काय विचारमंथन होणार, याकडे राजकीय वर्तुळासह महाराष्ट्राचे डोळे लागलेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
