पुण्यात नवा वाद, शनिवार वाड्यासमोरील दर्ग्यावरून वातावरण तापणार; काय आहे नेमकं प्रकरण?
हे प्रकरण मध्य प्रदेशच्या जबलपूर रिसॉर्टचे आहे. तिथे तरुणीची हत्या करण्यात आली. हत्येला ५ दिवस उलटूनही आरोपी पोलिसांच्या तावडीत आलेला नाही. या दरम्यान आरोपी सोशल मीडियावर काही ना काही अपलोड करत आहे. पोलिसांनी लाखोंचे बक्षीस जाहीर करूनही तो कायद्याच्या कचाट्यातून बाहेर आहे. आरोपीने जबलपूर येथील मेखला रिसॉर्टमध्ये हे दुष्कृत्य केले.
प्रेयसीच्या हत्येनंतर फरार झालेला आरोपी अभिजीत पाटीदार त्याच्या इन्स्टाग्राम आयडीवरून मध्य प्रदेश पोलिसांना सतत आव्हान देत आहे. याशिवाय आरोपीने त्याच्या मृत गर्लफ्रेंडसह आयडीसह अनेक पोस्टही शेअर केल्या आहेत. हत्या केल्याच्या दुसर्‍याच दिवशी त्याने सोशल मीडियावर लिहिले की, “माझं तुझ्यावर प्रेम आहे बाबू, मला माफ कर… आपण आता स्वर्गात भेटू.”
दरम्यान, जबलपूरचे अतिरिक्त एसपी शिवेश सिंह बघेल म्हणाले की, “आम्ही सायबर क्राईम टीमला यासंबंधी सर्व तपशील विचारले आहेत. मृत व्यक्तीच्या सोशल मीडिया अकाऊंटवरून पोस्ट करणारी व्यक्ती ओळखीची व्यक्ती असू शकते किंवा ती आरोपी देखील असू शकते. पोलिसांनी दिलेल्या माहितीनुसार, पाटीदारने केवळ हत्याच केली नाही, तर जबलपूरमधील व्यावसायिकांची लाखोंची फसवणूकही केली आहे.”
अचानक पाण्याचा पंप सुरू व्हायचा; आफताबच्या शेजाऱ्यांनी सांगितलं काय घडलं ‘त्या’ रात्री
