Maharashtra Political crisis | यावेळी देवेंद्र फडणवीस राज्यातील सत्तांतराबाबतही भाष्य केले. बाळासाहेबांची शिवसेना आणि भाजप हे दोन्ही पक्ष एकनाथ शिंदे यांच्या नेतृत्वात एकत्र आले याचे श्रेयही अमित शाह यांनाच जाते. या सगळ्या काळात अमित शाह आमच्यासोबत भक्कमपणे उभे होते, असे देवेंद्र फडणवीस यांनी म्हटले. छत्रपती शिवाजी महाराज आणि चाणक्य ही दोन व्यक्तिमत्त्व अमित शाहा यांचे प्रेरणास्थान आहेत.

 

Amit Shah Devendra Fadnavis
अमित शाह आणि देवेंद्र फडणवीस

हायलाइट्स:

  • २०१४ च्या निवडणुकीत आपण शिवसेनेसह युती करण्यास तयार होतो
  • आपण कमी जागा लढण्यासही तयार होतो
मुंबई: भाजप तयार असतानाही शिवसेनेने २०१४ मध्ये फक्त चार जागांसाठी युती तोडली आणि बेईमानी केली. त्यावेळी भाजप पक्ष कमी जागा घेण्यासाठी तयार होता. तरीही शिवसेनेने टोकाची भूमिका घेत युती तोडली. मात्र, आम्ही त्या निवडणुकीत शिवसेनेला त्यांची जागा दाखवून दिली, असे वक्तव्य राज्याचे उपमुख्यमंत्री देवेंद्र फडणवीस (Devendra Fadnavis) यांनी केले. मुंबईत केंद्रीय गृहमंत्री आणि भाजपा नेते अमित शाह यांच्यावर आधारित एका पुस्तकाचा प्रकाशन सोहळा पार पडला. यावेळी देवेंद्र फडणवीस यांनी शिवसेना-भाजप युती कशी तुटली, याबाबतचा किस्सा सांगितला.

महाराष्ट्रातील २०१४ च्या निवडणुकीत आपण शिवसेनेसह युती करण्यास तयार होतो. आपण कमी जागा लढण्यासही तयार होतो. पण केवळ चार जागांसाठी शिवसेनेने युती तोडली. अचानक युती तुटल्यानंतर वर्षानुवर्ष ११७ जागा लढणारा भाजपा, एका दिवसात २८८ जागा लढण्यास तयार झाला. याचं एकमेव कारण म्हणजे अमित शाह आपल्या पाठीशी उभे होते. दोन महिने अमित शाह महाराष्ट्रात येऊन राहिले. निवडणुकीचं तंत्र त्यांनी आपल्याला शिकवले, असे देवेंद्र फडणवीस यांनी सांगितले.

यावेळी देवेंद्र फडणवीस राज्यातील सत्तांतराबाबतही भाष्य केले. बाळासाहेबांची शिवसेना आणि भाजप हे दोन्ही पक्ष एकनाथ शिंदे यांच्या नेतृत्वात एकत्र आले याचे श्रेयही अमित शाह यांनाच जाते. या सगळ्या काळात अमित शाह आमच्यासोबत भक्कमपणे उभे होते, असे देवेंद्र फडणवीस यांनी म्हटले.

अमित शाहांनी कशी मदत केली?

शिवसेनेने युती तोडल्यानंतर महाराष्ट्रात भाजप पक्ष पहिल्यांदाच स्वबळावर विधानसभा निवडणुकीला सामोरा गेला.अमित शाह यांच्या नेतृत्वात आपण उत्तम प्रकारे निवडणूक लढलो. दोन-अडीच महिने ते महाराष्ट्रात राहिले. याच कार्यालयात ते मुक्काम करायचे, दिवस घालवायचे. निवडणुकीत सगळ्या प्रकारची मदत त्यांनी केली. निवडणुकीतील अनेक गोष्टी, तंत्र त्यांनी आपल्याला शिकवले. त्यामुळे महाराष्ट्रात भाजपाने पहिल्यांदाच स्वत:चं सरकार स्थापन केले. यामध्ये अमित शाह यांचा सिंहाचा वाटा आहे, असे देवेंद्र फडणवीस यांनी सांगितले. छत्रपती शिवाजी महाराज आणि चाणक्य ही दोन व्यक्तिमत्त्व अमित शाहा यांचे प्रेरणास्थान आहेत. अमित शाह हे एक संवेदनशील मनाचे नेते आहेत, असेही देवेंद्र फडणवीस यांनी म्हटले.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here