मुंबई: पालघरची रहिवासी असलेल्या श्रद्धा वालकरची दिल्लीत निर्घृण हत्या झाली. प्रियकर आफताब अमीन पुनावालानं श्रद्धाला निर्घृणपणे संपवलं. तिच्या मृतदेहाचे ३५ तुकडे केले. ते ठेवण्यासाठी एक फ्रिज आणला. आफताब श्रद्धाच्या मृतदेहाचा एक तुकडा घेऊन रोज रात्री २ वाजता घरातून निघायचा. मृतदेहाचा तुकडा जंगलात फेकून तो घरी परतायचा. श्रद्धाच्या हत्या प्रकरणात अनेक धक्कादायक बाबी उघडकीस आल्या आहेत. त्यामुळे संपूर्ण देश हादरला आहे.

दिल्ली पोलिसांनी महरौलीच्या जंगलातून श्रद्धाच्या शरीरातील हाडं गोळा केली आहेत. यामध्ये पाठीच्या कण्याचा समावेश आहे. पोलिसांनी आतापर्यंत जवळपास १० अवयव गोळा केले आहेत. काही हाडं नाल्यात सापडली आहेत. पोलिसांना आफताबनं भाड्यानं घेतलेल्या फ्लॅटच्या किचनमध्ये रक्ताचे डाग आढळले आहेत. त्यांचे नमुने तपासणीसाठी पाठवले गेले आहेत.
अचानक पाण्याचा पंप सुरू व्हायचा; आफताबच्या शेजाऱ्यांनी सांगितलं काय घडलं ‘त्या’ रात्री
मृतदेहाचे अनेक भाग सापडत नाहीत, त्यावेळी मृतदेहाची ओळख पटवण्यासाठी फॉरेन्सिक फेशियल रिकन्स्ट्रक्शनचा आधार घेतला जातो. मृताच्या कवटीचा अभ्यास करून त्याच्या चेहऱ्याचे उपलब्ध नसलेले फीचर उभे केले जातात. गुन्हे घडलेल्या ठिकाणी आढळून आलेले मृतदेहाचे अवशेष पूर्ण नसल्यास, त्यांची ओळख पटत नसल्यास फॉरेन्सिक फेशियल रिकन्स्ट्रक्शन पद्धतीचा वापर होतो.

कवटीचे ठराविक पॉईंट्स आणि मृत व्यक्तीचा उपलब्ध असलेला फोटो यांचा आधार यासाठी घेतला जातो. पॉईंट्स आणि फोटो यांची तुलना केली जाते. ही पद्धत तशी जुनी आहे. आता यासाठी संगणकांचा वापर केला जातो. श्रद्धा वालकर प्रकरणात फॉरेन्सिक फेशियल रिकन्स्ट्रक्शन पद्धत महत्त्वाची ठरू शकते.
श्रद्धाचं इन्स्टा ॲक्टिव्ह ठेवलं, क्रेडिट कार्डची बिलं भरली; पण एक चूक आफताबला महागात पडली
१९४५ मध्ये जर्मनीचा हुकूमशहा ऍडॉल्फ हिटलरचा मृत्यू झाला. त्याच्या मृतदेहांचे अवशेष हाती लागले. त्यांची ओळख पटवण्यासाठी फॉरेन्सिक फेशियल रिकन्स्ट्रक्शनचा वापर करण्यात आला होता. नाझींचा मुख्य डॉक्टर जोसेफ मेंगेलेच्या अवशेषांची ओळखही याच पद्धतीनं पटवण्यात आली. १९७९ मध्ये मेंगेले ब्राझीलमध्ये बुडाले. साओ पावलो येथे १९८५ मध्ये त्यांच्या मृतदेहाचे अवशेष सापडले. तेव्हा हीच पद्धत वापरली गेली.
खोटं बोलून, विल्हेवाट लावून उत्तम बनाव रचला; पण पोलिसांच्या एका प्रश्नानं आफताब गडबडला
२००८ मध्ये उदयोन्मुख मॉडेल आणि अभिनेत्री मारिया सुसयराज आणि तिचा प्रियकर माजी नौदल अधिकारी एमाईल जेरोम यांना जाहिरात दिग्दर्शक नीरज ग्रोव्हर यांच्या हत्या प्रकरणात अटक झाली. ग्रोव्हर यांचा चाकूनं भोसकून खून केल्याचा आणि त्यानंतर त्यांच्या मृतदेहाचे तुकडे करून त्यांची विल्हेवाट लावल्याचा आरोप दोघांवर होता. दोघांनी ग्रोव्हर यांचे अवशेष जंगलात जाळल्याचाही आरोप होता. त्यावेळी ग्रोव्हर यांची कवटी सापडली. ती फॉरेन्सिक फेशियल रिकन्स्ट्रक्शनसाठी पाठवून ओळख पटवली गेली. शीना बोरा हत्या प्रकरणातही हीच पद्धत वापरली गेली.

LEAVE A REPLY

Please enter your comment!
Please enter your name here