नवी दिल्ली : तुम्हालाही कधी ना कधी या समस्येचा सामना करावा लागला असेल. डिलिव्हरीमनने तुम्हाला एलपीजी सिलेंडर दिल्यावर त्याचे वजन केले तर त्यातून एक-दोन किलो कमी गॅस निघाला असेल. यापूर्वी या तक्रारीचा शोध घेता येत नव्हता. त्यामुळे अनेकदा गॅसची चोरी करणाऱ्यांची सुटका व्हायची. पण आता असे होणार नाही. घरगुती सिलिंडरमधून गॅस चोरी करणारे आता पकडले जातील. यासाठी सरकार सर्व एलपीजी गॅस सिलिंडरवर विशेष व्यवस्था करत आहे.

LPG ग्राहकांसाठी मोठी बातमी! गॅसच्या किमतीबाबतचा मोठा निर्णय, खिशावर भार आणखी वाढणार
गॅस सिलिंडरचा आधार तयार केला जात आहे
एलपीजी सिलिंडरमधून होणारी गॅस चोरी रोखण्यासाठी सरकार त्यांचे आधार कार्ड बनवत आहे. ऐकून तुम्हाला आश्चर्य वाटले ना… केंद्रीय पेट्रोलियम आणि नैसर्गिक वायू मंत्री हरदीप सिंग पुरी म्हणाले की, ” गॅस सिलिंडरचा आधार बनेल. हे खरे आधार कार्ड नाही कारण ते एका व्यक्तीचे बनते, पण ते काहीसे आधार कार्ड सारखेच असेल. सरकार सर्व गॅस सिलिंडर QR कोडसह सुसज्ज करत आहे. त्यामुळे त्या गॅस सिलेंडरचा मागोवा घेणे सोपे होईल. यामुळे गॅस चोर पकडले जातील.

LPG Booking Offers: गॅस सिलेंडरच्या बुकिंगवर मिळवा २०% पर्यंत कॅशबॅक, वाचा संपूर्ण डिटेल्स
तीन महिन्यांत QR कोडची सुविधा
जागतिक एलपीजी सप्ताह २०२२ च्या निमित्ताने, हरदीप सिंग पुरी यांनी सांगितले की, सर्व घरगुती गॅस सिलिंडरवर QR कोड स्थापित केला जाणार असून हा प्रकल्प सुरू करण्यात आला आहे. तीन महिन्यांत सर्व गॅस सिलिंडरवर QR कोड बसवला जाईल. जुन्या गॅस सिलिंडरवर क्यूआर कोडचे मेटल स्टिकर वेल्डेड केले जाणार असल्याची माहिती त्यांनी दिली. तसेच नवीन गॅस सिलेंडरवर क्यूआर कोड आधीच टाकला जाईल.

गॅस चोरी कशी थांबणार
QR कोड लावण्यामागे सरकारचा उद्देश्य गॅस चोरी रोखणे आणि सुरक्षा प्रदान करणे आहे. इंडियन ऑइलच्या एका वरिष्ठ अधिकाऱ्याने सांगितले की, जेव्हा गॅस सिलेंडरवर QR कोड बसवले जाईल तेव्हा त्यांचे ट्रॅकिंग सोपे होईल. सध्या ज्या सिलिंडरमध्ये कमी गॅसची तक्रार आहे, तो कोणत्या डीलरकडून आल्याचे सिद्ध करणे कठीण व्हायचे. ते त्या डीलरकडून आले आहे हे माहीत असले तरी ते सिलिंडर कोणत्या डिलिव्हरीमनने दिले हे सांगता येणार नव्हते. मात्र आता सिलेंडरवर क्यूआर कोड टाकल्यास क्षणार्धात सर्व काही कळेल. मग गॅस चोर पकडणे खूप सोपे होईल. जेव्हा चोर पकडला जाण्याची भीती असते तेव्हा तो आपोआप चोरी करणे थांबवतो.

तुम्हालाही मोफत LPG गॅस कनेक्शन मिळवायचे असेल तर घरबसल्या आजच करा हे काम; वाचा संपूर्ण प्रक्रिया
QR कोडचे इतर फायदे
आयओसीच्या अधिकाऱ्याने सांगितले की, क्यूआर कोडचे इतर फायदे आहेत. यावरून कोणत्या सिलिंडरमध्ये किती वेळा रिफिलिंग केले आहे हे कळेल. तसेच सिलेंडर रिफिलिंग सेंटरवर परत येण्यासाठी किती दिवस लागतात, हे देखील समजणे सोपे होईल. जर कोणी घरगुती गॅस सिलिंडर व्यावसायिकरित्या वापरताना पकडले गेले, तर ते कोणत्या डीलरकडून वितरित केले गेले हे शोधणे सोपे होईल.

तीन महिन्यांचा कालावधी
पेट्रोलियम मंत्रालयाच्या एका वरिष्ठ अधिकाऱ्याने सांगितले की, सध्या देशभरात सुमारे ३० कोटी घरगुती एलपीजी ग्राहक आहेत. यापैकी एकट्या IOC चे सुमारे १५० दशलक्ष ग्राहक आहेत. तर ३०० दशलक्ष ग्राहकांपैकी जवळपास निम्म्याकडे दुहेरी सिलिंडर आहेत. अशाप्रकारे, देशभरात सुमारे ७० कोटी घरगुती गॅस सिलिंडर आहेत. यामध्ये तीन महिन्यांत QR कोड बसविण्याचे उद्दिष्ट निश्चित करण्यात आले असून त्याची सुरुवात आधीच झाली आहे.

LEAVE A REPLY

Please enter your comment!
Please enter your name here