किडनी स्टोन काढण्यासाठी सर्जरी; ६ महिन्यांनंतर असह्य वेदना; रिपोर्ट पाहून होमगार्ड हादरला
पेशानं अभियंता असलेले तुषार बुरहानपूर जिल्ह्यात सिर ताज नावाचं फार्म हाऊस चालवतात. त्यांच्या फार्म हाऊसमध्ये शेकडो बकरी, बकऱ्या आहेत. यातील चार बकरे बकऱ्यांप्रमाणे दूध देतात. राजस्थानी वंशाच्या बकऱ्यांची किंमत ५० हजार रुपयांपासून ४ लाखांपर्यंत आहे.
बकऱ्यांचं शरीर साधारणत: मोठं असतं. मात्र फार्म हाऊसमधील चार बकऱ्यांच्या शरीराचा आकार बकऱ्यांइतकाच असल्याचं तुषार यांनी सांगितलं. फार्म हाऊसवर पंजाब, अहमदाबाद, राजस्थान, जयपूर, हैदराबाद आफ्रिकन बोर, चंबल वंशाचे बकरे आहेत. गेल्या काही दिवसांपासून फार्म हाऊसवरील गर्दी वाढली आहे. येणारा प्रत्येक जण आधी दूध देणाऱ्या बकऱ्याबद्दल विचारणा करतो.
एकटेच बिर्याणी खाताय? बायको संतापली, नवऱ्यानं पेटवून दिलं; तिनं मिठी मारली अन् सारंच संपलं
दूध देणाऱ्या बकऱ्याची शरीराची ठेवण बकऱ्यांसारखी आहे. त्यांच्या गुप्तांगावर बकऱ्यांप्रमाणे दोन स्तन आहेत. फार्म हाऊसमधले ४ बकरे दररोज २५० ग्रॅम दूध देतात. या बकऱ्यांची विशेष काळजी घेतली जाते. त्यांच्या खाण्यापिण्याची योग्य काळजी घेण्यात येते.
डॉ. तुषार यांना आधीपासूनच बकरी पालनाची आवड होती. शालेय शिक्षण पूर्ण झाल्यानंतर त्यांनी अभियांत्रिकीच शिक्षण पूर्ण केलं. त्यानंतर नोकरी करू लागले. बकरी पालन व्यवसाय सुरू करण्यासाठी त्यांनी नोकरी सोडली. फार्म हाऊस सुरू करून ते कामाला लागले. इथे अनेक वंशाचे बकरे पाळले जातात. त्यांची किंमत लाखोंमध्ये आहे.
