पुणे : “राष्ट्रवादीचे नेते अनिल देशमुख, नवाब मलिक यांच्यासंबंधी सध्या जे चाललं आहे, ते अस्वस्थ करणारे आहे. देशमुख, मलिक व राऊत कुटुंबीय कोणत्या परिस्थितीतून जात आहे हे मी पाहतेय. राज्याने यापूर्वी राजकीय कटूता पाहिली होती. परंतु गेल्या आठवड्यात एका भाजप नेत्याच्या तोंडी “बदला” हा शब्द निघाला आहे. त्यांनी हो मी बदला घेतला असे विधान केले. त्यांची ही भाषा अत्यंत दुदैवी असल्याचे मत खासदार सुप्रिया सुळे यांनी उपमुख्यमंत्री देवेंद्र फडणवीस यांचे नाव न घेता व्यक्त केलं.

बारामतीत त्या पत्रकारांशी बोलत होत्या. खासदार सुळे म्हणाल्या की, “ज्या संस्कृतीत मी वाढले, ती ही संस्कृती नाही. स्वर्गीय यशवंतराव चव्हाण यांच्या विचारांचा वारसा आपण जपतो. त्यात विरोधक हा वैचारिक विरोध करत असतो. त्यात बदल्याची भाषा नसते. बदला घेतल्याची भाषा मी पहिल्यांदा ऐकली, हे अतिशय दुदैवी आहे. ज्या पद्धतीने जितेंद्र आव्हाड यांच्यावर खोटे गुन्हे दाखल केले जात आहेत, ते पाहता विरोधकांचे ते पुढील टार्गेट असावेत. महाराष्ट्राने इतकं गलिच्छ राजकारण यापूर्वी पाहिलं नव्हतं,” असं त्या म्हणाल्या.

बाळासाहेबांच्या विचारांचे वारसदार म्हणवून घेणारे ढोंगी, राजकारणात फार काळ टिकणार नाही, राऊतांनी मुख्यमंत्र्यांना झोडलं!
“खासदार संजय राऊत यांनी शिवसेनाप्रमुख स्व. बाळासाहेब ठाकरे यांना भारतरत्न पुरस्कार द्या अशी मागणी केली आहे, यावर त्यांनी या मागणीला आमचा पाठींबा असेल”, असं सुळे यांनी यावेळी स्पष्ट केलं. काँग्रेस नेते राहूल गांधी यांनी सावरकर यांच्यावर केलेल्या टीकेबद्दल सुरू असलेल्या गदोराळासंबंधी त्या म्हणाल्या की, “विरोधकांकडे बोलण्यासाठी सध्या काहीही उरलेलं नाही. त्यामुळे ते जुनेच विषय उगाळून काढत आहेत. या विषयावर यापूर्वी अनेकदा चर्चा झाली आहे”.

संजय राऊत यांचा जामीन रद्द व्हावा अशी मागणी इडीने केली असल्याच्या प्रश्नावर त्या म्हणाल्या की, “जोपर्यंत उच्च न्यायालयाकडून ऑर्डर येत नाही तोपर्यंत त्यावर बोलता येणार नाही. त्यांची मागील ऑर्डर मी पूर्णपणे वाचली. त्यात त्यांच्यावर झालेली कारवाई पूर्णतः चुकीची असल्याचे निरीक्षण न्यायालयाने नोंदवले. त्यामुळे फारशी चिंता करावी असे मला वाटत नाही”.

हर हर महादेव चित्रपटासंबंधी सु्प्रिया सुळे यांनी भाष्य केलं त्या म्हणाल्या की, “एखादा सिनेमा इतिहासावर असेल. तर किती लिबर्टी घ्यावी हे पाहिले पाहिजे. हा विषय आता राजकीय नसून सामाजिक झाला आहे. छत्रपतींचा कोणी चुकीचा इतिहास दाखवत असेल तर त्याचा जाहीर निषेध झालाच पाहिजे”. केंद्रीय मंत्री अमित शाह पुण्यात शिवसृष्टीच्या लोकार्पण सोहळ्यासाठी येत असून त्यांचे स्वागत असल्याचंही त्या यावेळी म्हणाल्या.

वसीम जाफरच्या यशाने मायकल वॉनच्या पोटात दुखलं, भारतीय खेळाडूची उडवली खिल्ली

LEAVE A REPLY

Please enter your comment!
Please enter your name here