youth died, आँख बंद टपली महागात पडली! मित्रांना रात्री खेळ सुरू केला अन् होत्याचं नव्हतं झालं – youth died after one friend beats him while playing in ghaziabad

मंगळवारी रात्री केशव शेजारच्या मित्रांसोबत खेळत होता. शेजारीच असलेल्या मोकळ्या जागेत त्यांचा खेळ सुरू होता, अशी माहिती केशवचे वडील राजकुमार यांनी दिली. चार-पाच मित्र खेळत होते. एकमेकांच्या अंगावर चादर टाकायची आणि त्याला फटके द्यायचे, अशा स्वरुपाचा त्यांचा खेळ होता. विशूवर राज्य आलं तेव्हा सगळ्यांनी त्याच्या तोंडावर अंथरुण टाकलं. केशवसह सगळे मित्र त्याला मारू लागले. त्यावेळी केशवनं मारलेला फटका विशूच्या डोळ्याला लागला, असं राजकुमार यांनी सांगितलं.
ऐकावं ते नवलच! इथे चक्क बकरे देताहेत दूध; किंमत किती? आकडा पाहून चाट पडाल
विशूनं केशवला मारताना पाहिलं. तो संतापला. त्यानं केशवच्या चेहऱ्यावर अंथरुण टाकलं आणि त्याचा गळा धरला. त्याच्या मानेवर त्यानं जोरात बुक्के मारले. या मारहाणीत केशवला गंभीर इजा झाली. तो बेशुद्ध पडला. तिथे असलेल्या सगळ्या तरुणांनी आरडाओरडा केला. विशूचे वडील ऋषीपाल गौतम यांनी लोकांच्या मदतीनं केशवला रुग्णालयात नेलं.
आयुष्य इतकंही कठोर नसावं! दोन लेकींसह वडिलांनी जीवन संपवले; डायरी वाचून सारेच हळहळले
घटनेची माहिती केशवच्या कुटुंबियांना मिळाली. त्यांनी रुग्णालयात धाव घेतली. घटनेनंतरचं वातावरण पाहून विशूनं पळ काढला. तो फरार झाला. केशवच्या वडिलांनी विशूच्या विरोधात पोलीस तक्रार दाखल केली. पोलिसांनी विशू विरोधात गुन्हा दाखल करून त्याचा शोध सुरू केला आहे. केशवचा शवविच्छेदन अहवाल आल्यानंतर मृत्यूमागचं नेमकं कारण कळू शकेल.