राष्ट्रवादीच्या मंचावर एकनाथ खडसे बोलायला लागले अन् कार्यकर्त्यानेच हिसकावला माईक, कारण….
यासंबंधी एनसीबीला गुप्त माहिती मिळाली होती. त्यानुसार, आंतरराष्ट्रीय अमली पदार्थ टोळी मुंबईतून पार्सलच्या माध्यमातून अमली पदार्थांची परदेशात तस्करी करणार असल्याची माहिती होती. एनसीबी पथकाने सापळा रचून तपास सुरू केला. त्यामध्ये अशाप्रकारे अमली पदार्थ कतारची राजधानी दोहा येथे पाठवले जात असल्याचे दिसून आले. पथकाने मुंबईभर कारवाई सुरू केली. त्यामध्ये एका जहाजावर चढवले जाणारे पार्सल जप्त करण्यात आले.
संबंधितांच्या चौकशीत छायाचित्रांच्या फ्रेमचा उपयोग करुन त्यात अमली पदार्थ लपवून नेले जाणार असल्याची माहिती मिळाली. त्यानुसार कुरियर कंपनीवर छापा टाकण्यात आला. त्यावेळी अशा दहा फ्रेम्स सापडल्या. त्याच्या मागील बाजूस अमली पदार्थ लपवण्यात आले होते. अन्य एका कारवाईत धुळ्याहून आलेल्या सामानात अमली पदार्थ आढळले. तर एका कारवाईत आंध्रप्रदेशहून बसमधून उतरलेल्या दोघांकडील सामानात अमली पदार्थ होते.
