theft in jewellery shop, दागिने पाहायला आल्या की दागिने जेवायला? बकाबका तोंडात टाकून निघाल्या; चोरी सीसीटीव्हीत कैद – gold 9 nose pin theft two female thieves caught cctv police meerut uttar pradesh

भूमियामध्ये वास्तव्यास असलेल्या विरेंद्र रस्तोगी यांचं भावनपूर येथील छोटा हसनपूरमध्ये उज्ज्वल ज्वेलर्स नावाचं दुकान आहे. गुरुवारी दुपारी दीडच्या सुमारास त्यांच्या दुकानात दोन महिला आल्या. त्यांना चमकी खरेदी करायची होती. दुकानदारानं एका ट्रेमध्ये विविध डिझाईनच्या चमकी दाखवल्या. दोघींनी ट्रेमधील चमकी पाहिल्या. एका एका चमकीचं वजन करण्याचा बहाणा करून त्यांनी दुकानदाराचं लक्ष विचलित केलं. दुकानदाराचं लक्ष नसल्याचं पाहून त्यांनी ट्रेमधील चमकी तोंडात टाकण्यास सुरुवात केली. दोघांनी हळूहळू ९ चमकी तोंडात टाकल्या. त्यानंतर एकही चमकी आवडली नसल्याचं सांगून तिथून निघून गेल्या.
दुसऱ्यासोबत संसार थाटायची इच्छा; पतीला नपुंसक सिद्ध करण्यासाठी पत्नीनं भयंकर प्रकार केला
महिला निघून गेल्यानंतर दुकानदार विरेंद्र यांनी ट्रेमधील चमकी पाहिल्या. त्या कमी असल्याचं त्यांच्या लक्षात आलं. त्यांनी सीसीटीव्ही फुटेज तपासलं. ग्राहक म्हणून आलेल्या दोघींनी चमकी तोंडात टाकल्याचं त्यांच्या निदर्शनास आलं. या प्रकरणी विरेंद्र यांनी पोलीस ठाण्यात तक्रार दाखल केली. या महिला कोण आहेत, त्या कुठून आल्या होत्या, याची माहिती पोलिसांना मिळालेली नाही. या महिलांनी आधीही सोनाराच्या दुकानात चोऱ्या केल्या असाव्यात असा अंदाज आहे.