केमिकल प्लान्टमध्ये गॅस गळती, चार जणांचा मृत्यू

अहमदाबाद, : गुजरातमध्ये अहमदाबाद जिल्ह्यातील ढोलका भागात असलेल्या एका केमिकल प्लान्टमध्ये होऊन दुर्घटना घडलीय. या दुर्घटनेत चार जणांनी आपले प्राण गमावलेत. सिमेज स्थित ‘चिरिपाल ग्रुप ऑफ कंपनीज’च्या प्लान्टमध्ये ही दुर्घटना घडल्याची प्राथमिक माहिती समोर येतेय. मृत व्यक्ती या प्लान्टमध्ये काम करणारे कामगार असल्याचं समजतंय.

वाचा :

वाचा :

डेप्युटी सुपरिटेन्डन्ट नीतेश पांडेय यांनी दिलेल्या माहितीनुसार, मृत चार कर्मचारी केमिकल कचरा गोळा करणाऱ्या एका टँकला साफ करण्यासाठी त्यात खाली उतरले होते. यावेळी, विषारी वायूमुळे त्यांचा श्वास गुदरमरला. त्यामुळे त्यांचा मृत्यू झाला. या प्रकरणात एफआयआर दाखल करण्यात येतेय.

उल्लेखनीय म्हणजे, गेल्या महिन्यात आंध्र प्रदेशातूनही अशीच एक घटना समोर आली होती. आंध्र प्रदेशच्या विशाखापट्टनम (Vizag Gas Leak) स्थित एलजी पॉलिमर (LG Polymers) इंडस्ट्रीमध्ये गॅस गळतीमुळे मोठी दुर्घटना घडली होती. या दुर्घटनेतही ११ जणांचा मृत्यू झाला होता. तर हजारो जणांची प्रकृती बिघडली होती. दोन वेगवेगळ्या टँकमध्ये ठेवण्यात आलेल्या Styrene गॅसशी निगडीत शीत प्रणालीत (Refrigeration System) बिघाड झाल्यानं विषारी वायू तयार झाल्याचं प्राथमिक चौकशीत समोर आलं होतं.

वाचा :

वाचा :