नवी दिल्ली: देशातील करोडो बँक ग्राहकांना दिलासा देणारी बातमी आहे. १९ सप्टेंबरला म्हणजेच आज होणारा बँक कर्मचाऱ्यांचा संप पुढे ढकलण्यात आला आहे. त्यामुळे आज तुम्हाला काही काम निपटायचे असेल तर तुम्ही बँकेत जाऊ शकता. इंडियन बँक्स असोसिएशनने (IBA) ऑल इंडिया बँक एम्प्लॉईज असोसिएशनच्या (AIBEA) बहुतांश मागण्या पूर्ण करण्याचे मान्य केले आहे. त्यामुळे AIBEA ने देशव्यापी बँक संप पुढे ढकलला आहे. या निर्णयानंतर देशभरातील सर्व बँकांमधील कामकाज पूर्वीप्रमाणेच सुरू राहणार आहे. ग्राहक कोणत्याही अडचणीशिवाय व्यवहार आणि इतर कामे पूर्ण करू शकतात.

करदात्यांसाठी महत्त्वाची बातमी! आता या बँकांच्या ग्राहकांना ऑनलाइन प्राप्तिकर भरता येणार नाही
सर्व मुद्द्यांवर एकमत
एआयबीईएचे सरचिटणीस सीएच वेंकटचलम म्हणाले, “सर्व मुद्द्यांवर एकमत झाले आहे. आयबीए आणि बँकेने या समस्येचे द्विपक्षीय निराकरण करण्याचे मान्य केले आहे. त्यामुळे आमचा संप स्थगित करण्यात आला आहे. महिन्याच्या तिसऱ्या शनिवारी, १९ नोव्हेंबर रोजी बँका सुरू राहतील.” लक्षात घ्या की प्रत्येक महिन्याच्या पहिल्या आणि तिसऱ्या शनिवारी बँका सुरू असतात तर दुसऱ्या आणि चौथ्या शनिवारी बँकांचे कामकाज सुरु असते.

ATM मधून फाटलेल्या नोटा आल्या तर काय कराल? RBI चे हे नियम पाहाच

आऊटसोर्सिंगच्या विरोधात होता संप
गुरूवारी, बँक युनियन एआयबीईएने नोकरीच्या सततच्या आउटसोर्सिंगच्या निषेधार्थ शनिवारी संपाची घोषणा केली होती. बँक ऑफ बडोदा आणि पंजाब अँड सिंध बँकेसह अनेक बँकांनी त्यांच्या ग्राहकांना संपाच्या स्थितीत सेवांवर होणार्‍या संभाव्य परिणामाबद्दल आधीच माहिती दिली होती.

ITR दाखल करण्याची आणखी एक संधी; जाणून घ्या काय आहे अंतिम मुदत
ग्राहकांना भेडसावणार होत्या समस्या
लग्नसराईच्या काळात बँक बंद असल्याने लोकांना अडचणींचा सामना करावा लागणार होता. मात्र आता संप संपल्याने ग्राहकांना ग्राहकांना वित्तीय काम अडचणींविना करता येणार आहे. दरम्यान, संपामुळे काही एटीएममध्ये रोख रकमेची समस्या निर्माण झाली असती. याशिवाय अनेक बँकिंग सेवा प्रभावित होण्याची शक्यता होती. मात्र, ग्राहकांना संपाचा त्रास होऊ नये, यासाठी प्रत्येक बँकेने प्रयत्न केले.

महिन्याच्या दर रविवारी, दुसरा शनिवार आणि चौथा शनिवारी बँकेचे कामकाज बंद असते. आज शनिवार असून बँकांचे कामकाज ठप्प झाले असते, तर ग्राहकांना सोमवारपर्यंत प्रतीक्षा करावी लागली असती. कारण २० नोव्हेंबरला रविवारची सुट्टी आहे. अशा स्थितीत सोमवारी बँकांच्या शाखेत मोठी गर्दी पाहायला मिळाली असती, त्यामुळे लोकांनाही अडचणींचा सामना करावा लागला.

LEAVE A REPLY

Please enter your comment!
Please enter your name here