suryakumar yadav centry and india won match, एकच वादा सूर्या दादा… विक्रमी शतकासह भारताचा न्यूझीलंडवर दणदणीत विजय, मालिकेत आघाडी – suryakumar yadav slams century and india beat new zealand by 65 runs in 2nd t 20

भारताच्या १९२ धावांच्या आव्हानाचा पाठलाग करताना न्यूझीलंडच्या डावाचची सुरुवात चांगली झाली नाही. कारण भारताचा युवा वेगवान गोलंदाज अर्शदीप सिंगने न्यूझीलंडला पहिल्याच षटकात धक्का दिला. त्यानंतर डेवॉन कॉनवे आणि केन विल्यम्सन यांनी काही काळ संघाचाडाव सारवण्याचा प्रयत्न केला खरा, पण त्यानंतर कॉनवे २५ धावांवर बाद झाला आणि त्यानंतर न्यूझीलंडच्या डावाला उतरती कळा लागली. कारण त्यानंतर न्यूझीलंडचे फलंदाज एकामागून एक बाद होत गेले आणि त्यांना सामन्यावर पकड मजबूत करता आली नाही. पण केन मात्र दुसऱ्या बाजूने चांगली फलंदाजी करत होता. पण त्याला दुसऱ्या टोकाकडून चांगली साथ मिळाली नाही आणि त्यामुळेच त्यांना विजय मिळवता आला नाही.

भारताला रिषभ पंतच्या रुपात सुरुवातीलाच मोठा धक्का बसला होता. पण त्यानंतर प्रतिस्पर्धी संघाच्या गोलंदाजांना सळो की पळो करून सोडणाऱ्या सूर्यकुमार यादवला आज तिसऱ्या क्रमांकावर फलंदाजीची संधी मिळाली होती. सूर्याने या संधीचं अक्षरश: सोनं करत न्यूझीलंडच्या गोलंदाजांची पिसं काढली. मैदानातील सर्वच भागात फटकेबाजी करत सूर्यकुमारने सामन्याच्या १९ व्या षटकात शतक साजरं केलं. ४९ चेंडूंत शतक करणाऱ्या सूर्याने पुढील दोन चेंडूंत एक चौकार आणि षटकार खेचत आपली धावसंख्या १११ वर नेली. अखेरच्या षटकात पहिल्या चेंडूंवर कर्णधार हार्दिक पांड्याने दोन धावा घेतल्यानंतर दुसऱ्या चेंडूवर तो बाद झाला. तर नंतरच्या तीन चेंडूंवर न्यूझीलंडचा अनुभवी गोलंदाज टीम साऊथी याने भारताचे सलग तीन फलंदाज बाद करत हॅट्रिक घेण्यात यश मिळवलं.