नवी दिल्ली: सर्वसामान्य जनतेला महागाईतून दिलासा मिळताना काही दिसत नाही. आता दुधाचे दर (Milk Price Hiked) पुन्हा वाढले आहेत. मदर डेअरीने दुधाच्या दरात वाढ केली असून फुल क्रीम दूध आता ६३ रुपयांऐवजी ६४ रुपये प्रतिलिटरने उपलब्ध होणार आहे. दुधाच्या दरात लिटरमागे एक रुपयांनी वाढ झाली आहे.

टोकन दूधही महागले
याशिवाय मदर डेअरीने टोकनयुक्त दुधाच्या दरातही दोन रुपयांनी वाढ केली आहे. मदर डेअरीने टोकन दुधाच्या दरात प्रतिलिटर ४८ रुपयांवरून ५० रुपयांपर्यंत वाढ केली आहे. म्हणजेच आता रोजचा दूध आणि चहाही महागणार आहे.

गॅस ग्राहकांसाठी गुड न्यूज; घरगुती गॅस सिलिंडरच्या नियमात मोठा बदल, जाणून घ्या अपडेट
दिलासा कुठे
मात्र, पूर्ण क्रीम दुधाच्या अर्धा लिटर (५०० मिली) पॅकेटच्या दरात कोणतीही वाढ झालेली नाही, ही दिलासादायक बाब आहे. म्हणजेच, जर तुम्ही ५०० मिलीचे दोन पॅक १ किलोसाठी विकत घेतले तर तुम्हाला मदर डेअरीचे फुल क्रीम दूध पूर्वीप्रमाणेच मिळेल.

आजपासून दूध महागले
दरम्यान, मदर डेअरीच्या वाढलेल्या किमती आज म्हणजेच सोमवारपासून लागू होणार आहेत. या दरवाढीचा सर्वात मोठा परिणाम दिल्ली-एनसीआरमधील लोकांवर होणार आहे कारण मदर डेअरी कंपनी ही दिल्ली एनसीआरमधील सर्वात मोठी दूध पुरवठा करणाऱ्या कंपन्यांपैकी एक आहे.

LPG ग्राहकांसाठी मोठी बातमी! गॅसच्या किमतीबाबतचा मोठा निर्णय, खिशावर भार आणखी वाढणार
मदर डेअरीने यंदा चौथ्यांदा दुधाचे दर वाढवले
दरम्यान, लक्षात घ्या की मदर डेअरीने या वर्षी चौथ्यांदा दुधाच्या दरात वाढ केली आहे. १६ ऑक्टोबर रोजी दिल्ली-एनसीआर आणि उत्तर भारतातील इतर शहरांमध्ये गायीच्या दुधासह फुल क्रीम दुधाच्या दरात प्रति लिटर २ रुपयांनी वाढ केली. याआधी मार्च आणि ऑगस्टमध्येही मदर डेअरीने आपल्या दुधाच्या पॅकेटच्या किमती प्रतिलिटर २ रुपयांनी वाढवल्या होत्या.

करोना काळात वाढली उत्पादनांची मागणी, महिन्याला होईल मोठी कमाई; वाचा व्यवसायाची सविस्तर माहिती
मदर डेअरीने ऑक्टोबरमध्येही दर वाढवले
अलीकडेच मदर डेअरी आणि अमूलने ऑक्टोबर महिन्यातही दुधाच्या दरात वाढ केली होती. अमूल आणि मदर डेअरीने फुल क्रीम आणि गायीच्या दुधाच्या दरात प्रतिलिटर २-२ रुपयांची वाढ केली होती.

कंपनीच्या प्रवक्त्याने माहिती दिली
या कंपनीच्या प्रवक्त्याने मदर डेअरीच्या दुधाच्या दरात वाढ झाल्याची माहिती दिली आहे. दिल्ली-एनसीआरमध्ये दररोज सुमारे ३० लाख लिटर मदर डेअरीचे दूध वापरले जाते. आता मदर डेअरीने दरात वाढ केल्याने इतर कंपन्याही दुधाचे दर वाढवू शकतात, अशी भीती व्यक्त होत आहे.

LEAVE A REPLY

Please enter your comment!
Please enter your name here