Banking Shares to Buy: निफ्टी बँक निर्देशांकाबद्दल बोलायचे तर, १७ नोव्हेंबर २०२२ रोजीच्या सत्रादरम्यान त्याने ४२,६२२ चा सर्वकालीन उच्चांक गाठला. जागतिक ब्रोकरेजने अनेक बँक शेअर्समध्ये आपले गुंतवणूक धोरण जाहीर केले आहे. यामध्ये अॅक्सिस बँक, आयसीआयसीआय बँक, एयू स्मॉल फायनान्स बँक, एसबीआय, कोटक महिंद्रा बँक आणि बँक ऑफ बडोदा या सहा शेअर्सवर त्यांनी सल्ला दिला आहे.
विदेशी गुंतवणूकदारांची कमाईची चाल; १० शेअर्सवर लाखो कोटी गुंतवले, तुमच्याकडे आहेत का?अॅक्सिस बँक
मॉर्गन स्टॅनलीने अॅक्सिस बँकेचे ‘ओव्हरवेट’ रेटिंग कायम ठेवले आहे. गुंतवणुकीनंतर परताव्यासाठी लक्ष्य ११५० रुपये ठेवण्यात आले आहे. ब्रोकरेज म्हणतात की बँकेकडे कर्जाची मागणी चांगली आहे. सध्या मालमत्तेच्या गुणवत्तेबद्दल कोणतीही चिंता नाही. त्याचबरोबर एचएसबीसीनेही अॅक्सिस बँकेच्या शेअर्समध्ये खरेदीचा सल्ला दिला आहे. त्यासाठी लक्ष्य १०७५ रुपये ठेवण्यात आले आहे. १८ नोव्हेंबर २०२२ रोजी शेअर्सची किंमत ८५९ वर होती.
आयसीआयसीआय बँक
सीएलएसएने आयसीआयसीआय बँकेवर १२०० चे लक्ष्य ठेवून खरेदी करण्याचा सल्ला दिला आहे. बँकेच्या मालमत्तेची गुणवत्ता चांगली आहे. इक्विटी किंवा परतावा १७ टक्के आहे. ब्रोकरेजसाठी बँक ही सर्वोच्च निवड आहे. तर एचएसबीसीने आयसीआयसीआय बँकेवर ११०० च्या लक्ष्यासह खरेदी सल्ला कायम ठेवला आहे. १८ नोव्हेंबर २०२२ रोजी शेअरची किंमत ९२१ रुपये होती.
झुनझुनवालांनी या डझनभर कंपन्यांचे शेअर्स विकले, जाणून घ्या कुठे पैसे गुंतवले
एयू स्मॉल फायनान्स बँक
मॉर्गन स्टॅन्लेने एयू स्मॉल फायनान्स बँकेवर ‘ओव्हरवेट’ रेटिंग कायम आहे. शेअर्समध्ये गुंतवणुकीसाठी 875 रुपये हे उद्दिष्ट ठेवण्यात आले आहे. ब्रोकरेज फर्मच्या मते बँकेच्या मालमत्तेची गुणवत्ता चांगली आहे. बँक आपल्या विविध उपक्रमांमध्ये सातत्याने गुंतवणूक करत आहे. १८ नोव्हेंबर २०२२ रोजी शेअर्स किंमत ६११ रुपये होती.
एसबीआय (SBI)
एचएसबीसीने एसबीआयच्या शेअर्सची खरेदी करण्याचा सल्ला दिला आहे. ब्रोकरेज फर्मकडून ७१० रुपये प्रति शेअर लक्ष्य ठेवण्यात आले आहे. १८ नोव्हेंबर २०२२ रोजी शेअर्सची किंमत ६०२ रुपयांवर होती.
गुंतवणूकदारांनो, तयार रहा! कंपनी देणार वर्षातील तिसरा लाभांश, जाणून घ्या…
कोटक महिंद्रा बँक
एचएसबीसीने कोटक महिंद्रा बँकेवर ‘होल्ड’ मत कायम ठेवले आहे. प्रति शेअर २०३० रुपये हे लक्ष्य ठेवण्यात आले असून, १८ नोव्हेंबर २०२२ रोजी शेअर्सची किंमत १,९५८ रुपये होती.
बँक ऑफ बडोदा
एचएसबीसीने बँक ऑफ बडोदाच्या शेअर्सची खरेदी करण्याचा सल्ला दिला आहे. यासह, लक्ष्य किंमत १८४ वरून १९४ करण्यात आली आहे. १८ नोव्हेंबर २०२२ रोजी शेअर्सची किंमत १६२ रुपयांवर होती.
