udyanraje bhosale, शिवाजी महाराजांवर असं बोलणाऱ्यांची जीभ हासडली पाहिजे, लायकी नाही यांची… उदयनराजे संतापले – bjp mp udyanraje bhosale slam bhagatsingh koshyari and sudhanshu trivedi controversial statement on shivaji maharaj

“युगपुरुष छत्रपती शिवाजी महाराज एकप्रकारे देवाचे अवतार होते. मुठभर मावळ्यांना साथीला घेऊन त्यांनी स्वराज्याची निर्मिती केली. महाराष्ट्राला देवासमान असणाऱ्या शिवरायांबद्दल हे असे बोलूच कसे शकतात. अशी सगळी वक्तव्य ऐकल्यानंतर चीड येते, संताप येतो… यांनी लायकी आहे का शिवरायांवर बोलण्याची… यांची जीभ हासडली पाहिजे…”, अशा शब्दात उदयनराजेंनी आपला संताप व्यक्त केला. नालासोपाऱ्यात ते पत्रकारांशी बोलत होते.

संभाजीराजे काय म्हणाले?

राज्यपाल कोश्यारींना महाराष्ट्रात ठेऊ नये. पंतप्रधान मोदी यांना वाटत असेल त्या राज्यात त्यांनी कोश्यारींना पाठवावं. पण त्यांना लगोलग महाराष्ट्राबाहेर काढावं तसेच भाजप प्रवक्ता सुधांशू त्रिवेदीला माफी मागायला लावावी. पाठराखण करणाऱ्या फडणवीसांनी त्यांनी माफी मागायला भाग पाडावं, अशी भूमिका संभाजीराजे यांनी घेतली. तसेच माझी भूमिका परखड असते. लपून छपून किंवा कुणाआडून मी बोलत नाही, असं सांगतानाच तो त्रिवेदी छत्रपतींविरोधात बोललाय म्हणजे बोललाय… चुकीच्या वक्तव्याची पाठराखण करु नका, असं म्हणत फडणवीसांनाही खडसावलं.