Rohit Pawar : कर्जत-जामखेडमधील जलसंधारणाच्या कामांना स्थगिती, रोहित पवारांचा राम शिंदेवर थेट आरोप
आदित्य ठाकरे यांनी वरळीकरांना संबोधित करत लिहिलेलं पत्र :
‘महाराष्ट्र विधानसभेमध्ये तुमचा प्रतिनिधी म्हणून माझी निवड होऊन ३ वर्षे झाली आहेत. या ३ वर्षांत आपल्या प्रेमाने मला आशीर्वादित केले आहे आणि मी प्रार्थना करतो की हेच प्रेम आणि तुमचे आशीर्वाद कायम माझ्या सोबत राहोत. माझ्या निवडणुकीपूर्वी मी तुम्हाला वरळी A+ चे वचन दिले होते. गेल्या ३ वर्षात वरळीला प्रगती आणि समृद्धीच्या मार्गावर नेण्यासाठी आपण सर्व एक संघ म्हणून काम करत आहोत. नवीन बस थांबे असोत, चांगले फुटपाथ, मजबूत रस्ते असोत, हिरव्यागार मोकळ्या जागा असो, किंवा सामुदायिक स्तरावर व वैयक्तिक स्तरावर लसीकरण ड्राइव्ह आणि इतर समस्येचे निराकरण असो आपण वरळीकरांच्या सहकार्याने करत आलो आहोत,’ अशा शब्दांत आदित्य ठाकरे यांनी मतदारसंघातील कामाबाबत माहिती दिली.
आपल्या कामाबद्दल माहिती देत असताना आदित्य यांनी भाजपकडून वरळी मतदारसंघात सुरू असलेल्या हालचालींवरूनही टोला लगावला आहे. ‘राजकीयदृष्ट्याही प्रत्येक पक्षाला देखील वरळीत वेळ आणि पैसा खर्च करायचा असतो. आपल्या वरळीवर त्यांचे लक्ष त्यांनी वरळीत लावलेले बेकायदेशीर बॅनर आणि त्यावर होणारा खर्च यामुळे मला खात्री पटते की वरळी हेवा वाटावा अशी प्रगती करतेय आणि त्यांना देखील वरळीत यावसं वाटत आहे,’ असं ते म्हणाले.
