suspected measles case found in nashik city, Measles Case : मुंबई, मालेगाव पाठोपाठ नाशिकमध्येही गोवरचे संशयित; आरोग्य यंत्रणा अलर्ट मोडवर – suspected measles case found in nashik city health department alert

नाशिक : मुंबईत गोवरचे रुग्ण वाढत आहेत. आता नाशिक शहरात गोवरचे संशयित रुग्ण सापडल्याने आरोग्य विभागाची चांगलीच तारांबळ उडाली आहे. मुंबई मालेगाव पाठोपाठ आता नाशिक शहरात देखील गोवरचे चार संशयित रुग्ण सापडल्याने नागरिकांमध्ये खळबळ उडाली झाली आहे. नाशिक जिल्ह्यातील मालेगावमध्ये काही दिवसांपूर्वी गोवरचे रुग्ण आढळून आले होते. त्यामुळे शहराच्या वेशीवर असलेल्या या आजाराने आता शहरात प्रवेश केल्याचा संशय निर्माण झाला आहे. गोवर संशयित बालकांचे रक्ताचे नमुने तपासणीसाठी मुंबईला पाठवण्यात आल्याची माहिती आरोग्य विभागाकडून देण्यात आली आहे.

मालेगावमध्ये गोवरचे रुग्ण आढळून आल्यानंतर जिल्ह्यातील गोवरचा धोका आता अधिक वाढला आहे. जिल्ह्यातील आरोग्य यंत्रणा या अलर्ट मोडवर आल्या आहेत. आरोग्य विभागाने शहरात केलेल्या तपासणीत गोवरचे चार संशयित रुग्ण आढळून आले आहे. संशयित बालकांचे रक्ताचे नमुने तपासणीसाठी मुंबईला पाठवण्यात आले आहे. या संशयित चार बालकांचे रिपोर्ट आल्यानंतर आरोग्य विभाग नाशिक शहरात सर्वेक्षण करणार असल्याची माहिती आरोग्य विभागाकडून देण्यात आली आहे. गोवरचे संशयित रुग्ण आढळल्याने नागरिकांनी आपल्या लहान बालकांची काळजी घ्यावी, असे आवाहन आरोग्य विभागाकडून करण्यात येत आहे.

गोवर हा संसर्गजन्य आजार आहे. तो लहान बालकांना अधिक होत असल्याने रुग्णसंख्या वाढण्याचा धोका आहे. मुंबईमध्ये गोवरचा उद्रेक झाल्यानंतर त्या पाठोपाठ मालेगावमध्ये रुग्ण आढळले आणि आता नाशिक शहरात संशयित आढळून आल्याने जिल्ह्यात खळबळ उडाली आहे. नाशिक शहरात तपासणीत संशयित रुग्ण आढळून आल्यानंतर पालिका प्रशासनाचे धाबे दणाणले आहे. महापालिकेच्या रुग्णालयांमध्ये बालकांसाठी संसर्गजन्य कक्ष तयार करण्यात आला असल्याची माहिती मिळाली आहे.

काळजी घ्या! गोवराचे दहा मृत्यू, एक मृत्यू संशयित; मुंबईत बाधितांची संख्या २०८ वर

जिल्ह्यात मालेगावमध्ये आढळले ४४ रुग्ण

मालेगाव पालिकेसह जिल्हा प्रशासनाची तारांबळ उडाली होती. या गोवर रुग्णांवर मालेगावातील पालिकेच्या रुग्णालयात उपचार सुरू आहेत. मुंबई पाठोपाठ आता गोवरच्या रुग्णांमध्ये नाशिकचा नंबर लागला आहे. त्यामुळे आरोग्य यंत्रणेसह नागरिकांमध्ये मोठी चिंता निर्माण झाली आहे. गोवरची लक्षणे आढळून आल्यास तात्काळ आरोग्य यंत्रणेला माहिती कळवावी, असे आवाहन आरोग्य विभागाकडून करण्यात आले आहे. त्याचप्रमाणे या चार संशयितांच्या अहवालाकडे देखील आता आरोग्य यंत्रणांची लक्ष लागून आहे.

नाशिक शहरातही गोवर? चार संशयित रुग्ण, तपासणीसाठी नमुने मुंबईतील हाफकिन लॅबमध्ये

गोवरमुळे मुंबई आतापर्यंत १० बालकांचा मृत्यू

मुंबईत गोवराचा प्रादुर्भाव दिवसेंदिवस वाढत आहे. यामुळे मृत्यू झालेल्या लहान मुलांची संख्या आता दहावर गेली आहे. त्यापैकी एक मृत्यू हा मुंबईबाहेरील रुग्णाचा असल्याची माहिती आहे. तर अद्याप एका मृत्यूची निश्चित नोंद झालेली नाही. मृत्यू विश्लेषण समितीने झालेल्या मृत्यूंमागील कारणांचे वैद्यकीय विश्लेषण केले आहे. यात ९ मृत्यू हे गोवरामुळे झाल्याचे मुंबई पालिका प्रशासनाकडून स्पष्ट केले आहे. दरम्यान, मुंबईत २०८ रुग्णांना गोवराची लागण झाली आहे. तर ३,२०८ रुग्ण संशयित आहेत.