fight in mumbai local, मै कुछ बोला क्या? तू निकल बाहर! लोकलमध्ये हाणामारी; कपडे खेचले, थोबाडीत दिल्या, लाथा हाणल्या – two men slap drag each other in yet another fight from mumbai local train

व्हायरल व्हिडीओमध्ये दोन तरुण वाद घालताना दिसत आहेत. सुरुवातीला दोघांमध्ये शाब्दिक बाचाबाची झाली. दोघांनी एकमेकांना शिवीगाळ केली. त्यानंतर त्यांनी एकमेकांना ढकललं. पुढे याचं रुपांतर हाणामारीत झालं. विरार लोकलमध्ये हा वाद झाला. वाद नेमका कोणत्या स्थानकात झाला त्याबद्दलची माहिती समजू शकलेलं नाही. लोकलमधील वादाचा व्हिडीओ सव्वा दोन मिनिटांचा आहे.
महिला डॉक्टरला पाहून रुग्ण ‘घायाळ’; दर्शनासाठी उपचारांचे बहाणे; एक दिवस भलतेच घडले
विरारकडे जाणाऱ्या लोकलमध्ये दोन तरुणांचा वाद झाला. लोकल दोन रेल्वे स्थानकांच्या मध्ये असताना वादाला सुरुवात झाली. पुढील स्थानक येईपर्यंत वाद वाढत गेला. तू बाहेर चल, तुला दाखवतो, अशा शब्दांत एकानं दुसऱ्याला थेट आव्हान दिलं. त्यानं दुसऱ्याला फलाटाच्या दिशेनं खेचलं. फलाटावर जाण्याआधी दोघांची लोकलमध्ये मारामारी झाली. त्यानंतर एकानं दुसऱ्याला खेचून उतरवलं. फलाटावरही दोघे एकमेकांना भिडले आणि वाद सुरुच राहिला.