tantrik kills two, दोघांना बोलावलं, एकांतात नेलं; फेविक्वीक टाकून संपवलं; दुहेरी हत्याकांडाचं गूढ अखेर उकललं – udaipur tantrik takes life of man and woman with feviquick stabbed them got arrested

उदयपूर: राजस्थान पोलिसांनी उदयपूरमध्ये एका तांत्रिकाला अटक केली आहे. उदयपूरमधील दुहेरी हत्याकांडाचं गूढ उकलल्याचा दावा पोलिसांनी केला. गोगुंदा पोलीस ठाण्याच्या हद्दीत येणाऱ्या केलाबावडीच्या जंगलात १८ नोव्हेंबरला प्राध्यापक आणि त्याच्या मैत्रिणीचा मृतदेह निर्वस्त्र अवस्थेत आढळून आला होता. दोघेही विवाहित होते. त्यांचे विवाहबाह्य संबंध होते. जंगलात झालेल्या हत्या प्रकरणाचा तपास करून आरोपींना बेड्या ठोकण्याचं आव्हान पोलिसांसमोर होतं.

जंगलात दोघांचे मृतदेह ताब्यात घेतल्यानंतर पोलिसांनी तपास सुरू केला. जवळपास ५० ठिकाणांवर असलेले सीसीटीव्ही पोलिसांनी तपासले. २०० जणांचा चौकशी केली. पोलिसांनी यानंतर तांत्रिक भालेश कुमारला ताब्यात घेतलं. त्याला पोलिसी खाक्या दाखवण्यात आला. यानंतर भालेशनं हत्येची कबुली दिली. भावेश कुमार गेल्या ७ ते ८ वर्षांपासून भादवी गुडा येथील इच्छापूर्ण शेषनाग भावजी मंदिरात राहून लोकांच्या समस्यांचं निराकरण करायचा. तो लोकांना तावीज बनवून द्यायचा.
स्पेशल ड्युटीवर जातोय! पत्नीला सांगून ‘भलत्याच’ कामगिरीवर जायचा पोलीस हवालदार; एके दिवशी…
मृत सोनू कवर आणि राहुल मीणा यांचे कुटुंबीयदेखील मंदिरात यायचे. मंदिरात दर्शनाला आले असतानाच राहुल आणि सोनू यांची मैत्री झाली. मैत्रीचं रुपांतर पुढे प्रेमात झाले. दोघांच्या विवाहबाह्य संबंधांची कल्पना भालेश कुमारला होती. राहुल आणि त्याच्या पत्नीचे वाद होऊ लागले. वाद संपावेत यासाठी पत्नीनं भालेशसमोर गाऱ्हाण मांडलं. तेव्हा भालेशनं राहुल आणि सोनूच्या संबंधांची माहिती तिला दिली.

विवाहबाह्य संबंधांची माहिती पत्नीला दिल्यानं राहुल आणि सोनू संतापले. त्यांचा भालेशवर राग होता. तुझी बदनामी करू अशी धमकी दोघांनी भालेशला दिली. बदनामी झाल्यास कित्येक वर्षांपासून तयार केलेली भक्तांमधील प्रतिमा डागाळेल अशी भीती भालेशला वाटली. त्यानं दोघांना संपवण्याचा कट रचला. त्यासाठी त्यानं बाजारातून फेविक्वीकची जवळपास ५० पॅकेट्स खरेदी केली.
नेपाळवरून आलेल्या मामाचा चिमुकल्या भाच्यासोबत भयंकर प्रकार; आजोबा वाचवण्यासाठी धावले, पण…
१५ नोव्हेंबरच्या संध्याकाळी भालेशनं राहुल आणि सोनूला बोलावलं. त्यांना एकांतात घेऊन गेला. दोघे शारीरिक संबंध ठेवत असताना भालेश तिथून दूर गेला. काही वेळातच तो परतला. त्यानं दोघांच्या अंगावर फेविक्वीक टाकलं. दोघांच्या डोळ्यात फेविक्वीक गेल्यानं त्यांच्याकडून प्रतिकार झाला नाही. यानंतर भालेशनं दोघांच्या डोक्यात दगड घातला आणि मग त्यांच्यावर चाकूनं वार केले.