Eknath Khadse son death | एकनाथ खडसे यांनी अलीकडेच महाजन यांच्यावर टीका करताना त्यांना मुलगा नसल्याचे म्हटले होते. त्यावर गिरीश महाजन यांनी एकनाथ खडसे यांना त्यांच्याच भाषेत प्रत्यु्त्तर देताना एक खळबळजनक शंका उपस्थित केली आहे. एकनाथ खडसे यांच्या मुलाने आत्महत्या केली होती की त्याचा खून झाला होता, याचा तपास केला पाहिजे, असे गिरीश महाजन यांनी म्हटले होते. खडसेंच्या मुलाच्या मृत्यूप्रकरणाचा तपास करण्याची गरज असल्याचे महाजन यांनी म्हटले होते.

 

हायलाइट्स:

  • माझ्या घरी विचारपूस करण्यासाठी जवळपास ७० फोन आले
  • गेल्या ४० वर्षांपासून मी राजकारणात आहे
  • इतके घाणेरडे राजकारण कोणीही केले नाही
जळगाव: भाजपचे मंत्री गिरीश महाजन यांनी राष्ट्रवादी काँग्रेसचे नेते एकनाथ खडसे यांच्या मुलाच्या आत्महत्येबाबत केलेल्या एका वक्तव्याची सध्या राजकीय वर्तुळात चर्चा सुरु आहे. महाजन आणि खडसे यांच्यात सुरु असलेले राजकीय युद्ध आता घरापर्यंत येऊन ठेपल्याने यामुळे खडसे यांच्या कुटुंबीयांना त्रास सहन करावा लागत आहे. गिरीश महाजन (Girish Mahajan) यांनी निखिल खडसे यांच्या मृत्यूविषयी केलेले वक्तव्य खडसे कुटुंबीयांच्या चांगलेच जिव्हारी लागले आहे. त्यामुळे त्यांच्या जुन्या जखमेवरील खपली निघाल्यासारखे झाले आहे. त्यामुळे सध्या खडसे कुटुंबीयांमध्ये दु:खाचे वातावरण आहे.

याबाबत बोलताना एकनाथ खडसे यांनी मी कोणत्याही चौकशीला तयार असल्याचे ठणकावून सांगितले. माझ्या मुलाने आत्महत्या केली की त्याचा खून झाला, याची वाटेल ती चौकशी करा. गिरीश महाजन यांनी अत्यंत खालच्या पातळीला जाऊन टीका केली आहे. या टीकेमुळे माझ्यासह पत्नी, सून यांना अश्रू आवरता आले नाहीत. महाजनांच्या वक्तव्यामुळे माझी सून रक्षा खडसे (Raksha Khadse) यांना मानसिक धक्का बसला आहे. या प्रकारानंतर माझ्या घरी विचारपूस करण्यासाठी जवळपास ७० फोन आले. गेल्या ४० वर्षांपासून मी राजकारणात आहे. मात्र, इतके घाणेरडे राजकारण कोणीही केले नाही, असे एकनाथ खडसे यांनी म्हटले. गिरीश महाजन यांचे हे वक्तव्य आमच्या कुटुंबावर एकप्रकारे संशय घेण्यासारखे आहे. त्यामुळे माझ्या कुटुंबातील लोकांना दु:ख आणि वेदना सहन कराव्या लागत असल्याचेही खडसे यांनी सांगितले.

गिरीश महाजन नेमकं काय म्हणाले?

एकनाथ खडसे यांनी अलीकडेच महाजन यांच्यावर टीका करताना त्यांना मुलगा नसल्याचे म्हटले होते. त्यावर गिरीश महाजन यांनी एकनाथ खडसे यांना त्यांच्याच भाषेत प्रत्यु्त्तर देताना एक खळबळजनक शंका उपस्थित केली आहे. एकनाथ खडसे यांच्या मुलाने आत्महत्या केली होती की त्याचा खून झाला होता, याचा तपास केला पाहिजे, असे गिरीश महाजन यांनी म्हटले होते. खडसेंच्या मुलाच्या मृत्यूप्रकरणाचा तपास करण्याची गरज आहे. मला जास्त बोलायला लावू नका. त्यामध्येच एकनाथ खडसे यांचे भले आहे. खरंतर मला याबाबत बोलायचे नाही. पण आपल्या मुलाचं नेमकं काय झालं, याचं उत्तर एकनाथ खडसे यांनी द्यावे, असे गिरीश महाजन यांनी म्हटले होते.
Khadse Vs Mahajan: एकनाथ खडसेंच्या मुलाने आत्महत्या केली की त्याची हत्या झाली? गिरीश महाजनांचं खळबळजनक वक्तव्य

राष्ट्रवादीच्या कार्यकर्त्यांनी गिरीश महाजनांचा पुतळा जाळला

निखिल खडसे यांच्या मृत्यूबाबत गिरीश महाजन यांनी केलेल्या वक्तव्यामुळे जळगावातील राष्ट्रवादी काँग्रेस पक्ष आक्रमक झाला आहे. आज जळगावात राष्ट्रवादी काँग्रेसच्या वतीने मंत्री गिरीश महाजन यांच्या प्रतीकात्मक पुतळ्याचे दहन करुन तीव्र शब्दात निषेध व्यक्त करण्यात आला. यावेळी गिरीश महाजन यांच्या विरोधात जोरदार घोषणाबाजी करण्यात आली. निखिल खडसे हे भाजपच्या खासदार रक्षा खडसे यांचे पती आहेत. गिरीश महाजन यांनी त्यांच्या वक्तव्यातून त्यांच्याच खासदारावर संशय व्यक्त केला आहे का, असा सवाल उपस्थित करत यापुढे एकनाथ खडसेंच्या विरोधात जर बेताल वक्तव्य केलं तर गिरीश महाजन यांना जळगाव जिल्ह्यात फिरू देणार नाही? त्यांचीही आमच्या जवळ अनेक प्रकरण आहेत ती आम्ही बाहेर काढू, असा इशाराही यावेळी राष्ट्रवादी काँग्रेसच्या पदाधिकाऱ्यातर्फे देण्यात आला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here