aftab poonawala, तुकडे, ठिकाणं… आफताबनं रफ नोटच्या माध्यमातून हिशोब ठेवला; आता पोलीस ‘हिशोब’ करणार? – shraddha death case aftab used to keep track of body pieces made rough note conspiracy big revelations

आफताब पुनावालानं श्रद्धाच्या मृतदेहाचे तुकडे केले. आफताब या तुकड्यांचा हिशोब ठेवायचा अशी माहिती आता समोर आली आहे. त्यानं हत्येच्या कटाची योजना आखली होती. त्याची रफ नोट तयार केली होती. यात तो हत्येशी संबंधित सगळ्या बारीकसारीक गोष्टींची नोंद ठेवायचा. श्रद्धाच्या मृतदेहाचे किती तुकडे कोणत्या ठिकाणी फेकले याची नोंद आफताबनं रफ नोटवर केली. ही नोट पोलिसांच्या हाती लागली आहे. याच रफ नोटच्या आधारे पोलीस आता मृतदेहाच्या उर्वरित तुकड्यांचा शोध घेत आहेत.
दोघांना बोलावलं, एकांतात नेलं; फेविक्वीक टाकून संपवलं; दुहेरी हत्याकांडाचं गूढ अखेर उकललं
पोलिसांना आफताबच्या छतरपूर येथील फ्लॅटमधून रफ साईट नोट मिळाली. याच नोटचा उल्लेख दिल्ली पोलिसांनी रिमांडसाठी केलेल्या अर्जात केला आहे. याच नोटचा आधार घेऊन १५० हून अधिक पोलीस जंगलात मृतदेहांच्या तुकड्यांचा शोध घेत आहेत. पोलिसांना मंगळवारी महरौलीतील जंगलात एक जबडा आणि काही हाडं मिळाली. ती घेऊन दिल्ली पोलीस एका डेंटिस्टकडे पोहोचले. हा जबडा श्रद्धाचाच आहे का याचा शोध पोलीस घेत आहेत.
स्पेशल ड्युटीवर जातोय! पत्नीला सांगून ‘भलत्याच’ कामगिरीवर जायचा पोलीस हवालदार; एके दिवशी…
हत्येसाठी वापरण्यात आलेली करवत आणि ब्लेड गुरुग्रामच्या डीएलएफ फेज ३ मधील झाडीत फेकल्याचं आफताबनं पोलिसांना सांगितलं. दिल्ली पोलिसांच्या पथकानं दोनदा या ठिकाणी पाहणी केली. १८ नोव्हेंबरला दिल्ली पोलिसांचं पथक गुरुग्रामच्या झुडूपांमधून काही पुरावे घेऊन निघालं होतं. हे पुरावे सीएफएसएलकडे पाठवण्यात आले होते.