मुंबई : गुंतवणूकदार ज्याची अनेक दिवसांपासून वाट पाहत होते ती संधी आता आली आहे. गौतम अदानी यांची प्रमुख कंपनी अदानी एंटरप्रायझेस फॉलो ऑन पब्लिक ऑफर (Adani Enterprises FPO) घेऊन येत आहे. या FPO च्या माध्यमातून कंपनी किरकोळ आणि संस्थात्मक गुंतवणूकदारांकडून सुमारे २० हजार कोटी रुपये उभारणार आहे.

संचालक मंडळाची बैठक
गौतम अदानी यांच्या या कंपनीने गुंतवणूकदारांना बंपर परतावा दिला आहे. शेअर बाजारात सूचीबद्ध झाल्यापासून कंपनीने गुंतवणूकदारांना २६ पट परतावा दिला आहे. अदानी एंटरप्रायझेसच्या संचालक मंडळाची बैठक २५ नोव्हेंबर रोजी अहमदाबादमध्ये होणार आहे.

अदानी-अंबानी आमने-सामने! किशोर बियाणीची कंपनी खरेदीसाठी चुरस, ११ इतरही अंतिम टप्प्यात
प्रवर्तकांची हिस्सेदारी ७२.३६ टक्के
कंपनीच्या संचालक मंडळाच्या बैठकीत एफपीओ किंवा प्राधान्य वाटपाद्वारे निधी उभारण्याच्या शक्यतांवर चर्चा केली जाईल. बोर्डाने एफपीओ सुरू करण्यास मान्यता दिल्यास सेबीची परवानगी घ्यावी लागेल. शेअर बाजाराला दिलेल्या माहितीनुसार कंपनीमध्ये प्रवर्तकांची हिस्सेदारी ७२.३६ टक्के आहे. अदानी एंटरप्रायझेस आपला व्यवसाय वेगाने विस्तारत आहे. FPO द्वारे निधी उभारून,कंपनी आपल्या व्यवसायात आणखी विविधता आणू शकते. सूत्रांनी दिलेल्या माहितीनुसार, कंपनी अधिग्रहण योजनांवरही काम करत आहे.

देशातील सर्वात श्रीमंत व्यक्तीने पाहा काय भविष्यवाणी केली; २०५० पर्यंत भारत एक…
उच्चांक ४,०९८ रुपये
अदानी एंटरप्रायझेसचा शेअर सध्या ४ हजार रुपयांच्या आसपास व्यवहार करत आहे. शेअर्स ५२ आठवड्यांचा उच्चांक ४,०९८ रुपये आहे आणि ५२ आठवड्यांचा नीचांक १५२९ रुपये आहे. बीएसईवर कंपनीचे बाजार भांडवल ४,५०,२१२ कोटी रुपये आहे.

अंबानी-अदानीसमोर जगभरातील उद्योगपती धाराशाही झाले, वाचा नेमकं असं काय झालं
FPO म्हणजे काय
एफपीओ म्हणजेच फॉलो ऑन पब्लिक ऑफर. हा कंपनीसाठी पैसे उभारण्याचा एक मार्ग आहे. शेअर बाजारात सूचीबद्ध होण्यासाठी कंपनी प्रथम आयपीओ घेऊन येते. यामध्ये ते शेअर्स जारी करतात. जेव्हा एखाद्या कंपनीला आयपीओनंतर अधिक शेअर्स जारी करायचे असतात तेव्हा ती FPO घेऊन येते. कंपन्या त्यांचे कर्ज फेडणे, प्रकल्पांना वित्तपुरवठा करणे किंवा अधिग्रहण करणे यासारख्या कामांसाठी पैसे गोळा करतात. यासाठी अतिरिक्त शेअर्स जारी करून एफपीओद्वारे कंपन्या भांडवल उभारतात.

LEAVE A REPLY

Please enter your comment!
Please enter your name here