kolhapur amol bhaskar eknath shinde banner, मुख्यमंत्र्यासोबत कुख्यात गुंडाचा फोटो, कोल्हापुरात खळबळ, वाढदिवसापूर्वीच उतरवले फ्लेक्स! – kolhapur flex of cm eknath shinde with goons amol bhaskar greet rajesh kshirsagar birthday

क्षीरसागर यांचा २४ नोव्हेंबरला वाढदिवस आहे. त्यांना शुभेच्छा देण्यासाठी आठ दिवसापासून शहरात चौकाचौकात शुभेच्छा फलक झळकले आहेत. शहरातील ताराराणी चौकासह अनेक मोक्याच्या चौकात सकाळी झळकलेल्या फलकावर थेट कुविख्यात गुंड अमोल भास्करचा फोटो दिसला. क्षीरसागर यांना शुभेच्छा देण्यासाठी लावलेल्या या फोटोत या गुंडासोबत चक्क मुख्यमंत्री एकनाथ शिंदेपासून ते बाळासाहेब ठाकरे, आनंद दिघे यांचेही फोटो होते. विशेष म्हणजे अमोल भास्कर याचा या फ्लेक्सवर सामाजिक कार्यकर्ते म्हणून उल्लेख करण्यात आलेला आहे.

मुख्यमंत्र्यासोबत गुंडाचा फोटो पाहून शहरात एकच खळबळ उडाली. संतापाच्या भावना व्यक्त होऊ लागल्याने पोलिस आणि महापालिकेने हस्तक्षेप करत हे फलक उतरवले. सामाजिक कार्यकर्ते असे लिहून या गुंडाचे फोटो लावले गेले. पण शहरात उमटलेल्या संतप्त प्रतिक्रियेमुळे वाढदिवस साजरा होण्यापूर्वीच ते उतरविण्याची वेळ त्यांच्यावर आली.