अदानी समुहात गुंतवणुकीसाठी बड्या गुंतवणुकदारांचा शोध
आशियातील सर्वात श्रीमंत व्यक्ती गौतम अदानींच्या नेतृत्वाखालील अदानी समूहाने गुंतवणुकीसाठी अबू धाबीच्या मुबादला इन्व्हेस्टमेंट कंपनी आणि अबू धाबी इन्व्हेस्टमेंट अथॉरिटीसह काही कंपन्यांच्या उच्च अधिकाऱ्यांशी संपर्क साधला आहे. याबाबत अदानी समुहाशी संपर्क केला असता अद्याप प्रतिक्रीया मिळालेली नाही.
अदानी-अंबानी आमने-सामने! किशोर बियाणीची कंपनी खरेदीसाठी चुरस, ११ इतरही अंतिम टप्प्यात
अदानी समुह मध्य पूर्व तसेच कॅनडामधील इतर मोठ्या गुंतवणूक निधीतून गुंतवणूक वाढवण्याची शक्यता देखील शोधत आहे. अहवालानुसार, १० अब्ज डॉलर्सपर्यंतची गुंतवणूक वाढवण्यासाठी अदानी समुह चर्चा करत आहे. भांडवल उभारणीच्या प्रस्तावावर विचार करण्यासाठी कंपनीच्या संचालक मंडळाची शुक्रवारी बैठक होणार असल्याचे अदानी एंटरप्रायझेसने मंगळवारी सांगितले.
भारतात नाही तर या देशात गौतम अदानी उघडणार त्याचं नवीन ऑफिस, वाचा काय आहे प्लॅन!
शेअर्स जारी करण्याचा विचार
वृत्तसंस्थेच्या अहवालानुसार, अदानी एंटरप्रायझेस ५ अब्ज डॉलर ते १० अब्ज डॉलर भांडवल उभारण्याच्या समूहाच्या योजनेचा एक भाग म्हणून, पुढील वर्षी नवीन शेअर्स जारी करून १.८ अब्ज डॉलर ते २.४ अब्ज डॉलर वाढवण्याचा विचार करत आहे. कर्जाचे प्रमाण सुधारण्यासाठी बँकर्सनी अदानी समूहाला इक्विटीद्वारे भांडवल उभारण्याचे आवाहन केले होते. इक्विटी जारी करून भांडवल उभारणी केल्यास समूह कंपन्यांच्या शेअर्सही वधारू शकतील.
अंबानी-अदानीसमोर जगभरातील उद्योगपती धाराशाही झाले, वाचा नेमकं असं काय झालं
क्रेडिटसाइट्सने व्यक्त केली चिंता
या वर्षी सप्टेंबरमध्ये, फिच ग्रुपची क्रेडिट रिसर्च शाखा असलेल्या क्रेडिटसाइट्सने, रेटिंग एजन्सी, अदानी समूहाच्या मोठ्या कर्जाबद्दल चिंता व्यक्त केली होती. यासोबतच उच्च भांडवली गुंतवणूक व्यवसायात समूहाच्या गुंतवणुकीबाबतही चिंता व्यक्त करण्यात आली. ते म्हणाले की, दीर्घकालीन गुंतवणूकदारांसाठी ते धोकादायक ठरू शकते.अदानी समूहाने सांगितले की, त्यांचे लीव्हरेज गुणोत्तर योग्य आणि उद्योग बेंचमार्कशी सुसंगत आहे.
