मुंबई: मिठापासून जहाज बनवण्यापर्यंत सर्वच वस्तू बनवणारा टाटा समूह केवळ भारतातच नाही तर जगभरातील एक विश्वासार्ह नाव आहे. आजच्या कठीण काळात जिथे बहुतांश परदेशी टेक कंपन्या टाळेबंदी करत आहेत, तिथे टाटांनी पुन्हा एकदा हे सिद्ध केले आहे की टाटा समूह हे खरचं एक विश्वासार्ह नाव आहे. टाटांनी अलीकडेच काढून टाकलेल्या टेक कर्मचाऱ्यांना नोकरी देण्याचा निर्णय घेतला आहे. ट्रस्टबद्दल बोलायचे झाले तर टाटा समूहाच्या कंपन्यांची शेअर बाजारातील कामगिरी बाबतही तोच विश्वास दर्शवला आहे. गुंतवणूकदारांचा टाटा समूहावर किती विश्वास आहे, हे आज एक-दोन नव्हे तर टाटा समूहाच्या एकूण २८ कंपन्यांचे आकडे दाखवून देतात.

गुंतवणूकदारांना बंपर प्रॉफिट होतोय, PNB चे शेअर्स तुफान तेजीत, ब्रोकरेजने गुंतवणुकीवर दिला महत्त्वाचा अपडेट
तीन वर्षातील परतावा
टाटा समूहाच्या कंपन्यांच्या परताव्याच्या आकड्यांवर नजर टाकल्यास लक्षात येते की, गेल्या ३ वर्षांत टाटा समूहाच्या अनेक कंपन्यांनी गुंतवणूकदारांना भरघोस परतावा दिला आहे. टाटा टेलिसर्व्हिसेसने तीन वर्षात गुंतवणूकदारांना ५०, १०० नव्हे तर पूर्ण ३६७९ टक्के परतावा दिला आहे. तसेच टाटा अलेक्सि लिमिटेडबद्दल बोलायचे झाले तर, इथेही गुंतवणूकदारांनी तीन वर्षात १३०४ टक्के इतका मोठा परतावा मिळवला आहे.

गुंतवणूकदारांची लॉटरी! तुफान कमाई करून देणारी कंपनी देणार १५ बोनस शेअर्स, वर्षभरात दिलाय छप्परफाड रिटर्न
२८ कंपन्यांचे खातेवही
दरम्यान, टाटा समूहाच्या प्रमुख कंपन्या टीसीएस, टायटन, टाटा कॉपी किंवा टीआरएफ असोत, प्रत्येक कंपनीने गेल्या तीन वर्षांत गुंतवणूकदारांना कमाईची संधी दिली आहे. टायटनने ३ वर्षांत १४१% परतावा दिला, तर टाटा मोटर्सने गुंतवणूकदारांना ३०६% नफा कमावून दिला आहे. तसेच नाल्को असो किंवा ओरिएंट हॉटेल्स, इथेही गुंतवणूकदारांनी अवघ्या ३ वर्षात पैसे कमावले आहेत.

बिस्लेरीला ‘टाटा’; व्यवसाय विकण्याचे नेमकं कारण काय? संस्थापकाने सांगितलं गुपित
या कंपन्यांनी नफाही दिला
२८ टाटा कंपन्यांची ३ वर्षांची स्टार कामगिरी पाहिली तर एक गोष्ट लक्षात येते आणि ते म्हणजेच टाटाच्या कोणत्याही कंपनीचा परतावा नकारात्मक झालेला नाही. टीसीएस आणि वोल्टास सारख्या कंपन्यांनी ४७ आणि ५२ टक्के परतावा दिला आहे.

टाटांवर गुंतवणूकदारांचा विश्वास
टाटा समूह हे एक विश्वासार्ह नाव असल्याचे बाजारातील तज्ज्ञांचे मत आहे. त्याच वेळी, समूहाची मूलभूत तत्त्वे आणि व्यवसाय करण्याच्या धोरणामुळे ते इतरांपेक्षा वेगळे आहे. अलीकडेच टाटा समूहात एअर इंडिया ताब्यात घेतल्यानंतर प्रत्येक कठीण काम करणे ही टाटांची ओळख असल्याचे सांगण्यात आले. स्वत: रतन टाटा म्हणतात की मी आधी निर्णय घेतो आणि नंतर दुरुस्त करतो.

LEAVE A REPLY

Please enter your comment!
Please enter your name here