हरयाणाच्या फरीदाबाद जिल्ह्यात सुरजकुंड पाली रोड परिसरात एक सूटकेस आढळून आली आहे. रस्त्यापासून २०० मीटर अंतरावर जंगलात सापडलेल्या सूटकेसमध्ये मानवी शरीराचे अवयव सापडले आहेत. या प्रकरणी फरीदाबाद पोलिसांनी दिल्ली पोलिसांशी संपर्क साधला आहे. सूटकेसमध्ये सापडलेले अवयव शवविच्छेदनासाठी पाठवले जाणार आहेत.
सिक्स पॅक्सचा नाद, महागडी सप्लिमेंट्स घेतली; घोड्याचं इंजेक्शन टोचलं अन् मग…
सूटकेसमध्ये सापडलेले अवयव कमरेखालच्या भागातील आहेत. अवशेष एक महिन्यापूर्वीचे असल्याचं सांगण्यात येत आहे. अवशेष कुजलेले आहेत. त्यामुळे मृतदेह पुरुषाचा की महिलेचा हे ओळखणं कठीण आहे. शवविच्छेदनानंतरच या प्रश्नाचं उत्तर मिळू शकेल. फरीदाबादमधील सूटकेसचा संबंध श्रद्धा वालकर हत्या प्रकरणाशी असल्याची चर्चा सुरू आहे. सूटकेसमधील अवयव कोणाचे याबद्दल अद्याप कोणतीही अधिकृत माहिती समोर आलेली नाही.
वडील २० मिनिटं ओरडले, संतप्त मुलानं २० वेळा…; कुटुंब संपवणाऱ्या लेकाचा भयानक प्रकार
जंगल परिसर असल्यानं आसपास सीसीटीव्ही नाहीत. पाली आणि एमव्हीएन शाळेजवळ सीसीटीव्ही आहेत. त्यामुळे पोलीस गेल्या दीड महिन्यांतील सीसीटीव्ही फुटेज तपासणार आहेत. फॉरेन्सिक विभागामधील सुत्रांनी दिलेल्या माहितीनुसार, प्राथमिक तपासातून सूटकेसमधील अवयव महिलेचं असल्याचं दिसतं. मृतदेहाचे अनेक तुकडे करण्यात आले आहेत. सूटकेसमध्ये केवळ कमरेखालच्या भागाचे अवयव आहेत.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
