valuable rock, सोनं समजून कित्येक वर्षे दगड जपून ठेवला; पण तो सोन्याहून भारी निघाला; लॉटरीच लागली ना भाऊ – man keeps rock for years hoping its gold it turns out to be far more valuable

ऑस्ट्रेलियाच्या मेलबर्नमध्ये असलेल्या मॅरिबोरो पार्कमध्ये डेविड होल प्राचीन वस्तू आणि खनिजं शोधत आहेत. त्यावेळी त्यांना एक असाधारण वस्तू सापडली. एक लाल रंगाचा वजनदार दगड होल यांना आढळला. दगडाच्या चारही बाजूंना पिवळ्या रंगाची माती होती. डेविड यांनी दगड धुतला. हा दगड सोन्याचा असावा अशी त्यांची समजूत झाली. त्यांनी तो दगड घरी आणला.

मॅरीबोरो ऑस्ट्रेलियाच्या महत्त्वाच्या भागात येतं. या भागात १९ व्या शतकात सोन्याच्या मोठमोठ्या खाणी होत्या. आताही इथे अनेकदा लोकांना लहान मोठे सोन्याचे दगड मिळतात. मात्र डेविड यांच्या हाती त्याहून मोठा खजिना लागला. डेविड यांनी दगड कापण्याचे, फोडण्याचे, तोडण्याचे प्रयत्न केले. मात्र दगड अखंड राहिला. डेविड यांना सोन्याचा वाटलेला दगड सोन्याचा नव्हताच.
प्रियकराला कॉल केला, दुसऱ्याच तरुणीनं उचलला; भडकलेल्या प्रेयसीनं बॉयफ्रेंडचं घर पेटवलं; पण…
२०१५ मध्ये सापडलेला दगड डेविड यांनी स्वत:कडे जपून ठेवला. कित्येक वर्षांनंतर डेविड तो दगड घेऊन मेलबर्न म्युझियममध्ये घेऊन गेले. त्यावेळी मिळालेली माहिती ऐकून डेविड यांना आश्चर्याचा सुखद धक्का बसला. डेविड दगड समजत असलेली वस्तू दुर्मीळ उल्कापिंड होती. दुसऱ्या जगातून ते ऑस्ट्रेलियाच्या जमिनीवर पडलं होतं.

डेविड यांना सापडलेलं उल्कापिंड अतिशय मौल्यवान असल्याचं मेलबर्न म्युझियमचे जियोलॉजिस्ट डर्मोट हेन्री यांनी सांगितलं. डेविड यांना सापडलेल्या उल्कापिंडाची किंमत ठरवताच येणार नाही. कारण त्यात असलेला धातू पृथ्वीवर मिळतच नाही, असं हेन्री म्हणाले. हेन्री ३७ वर्षांपासून म्युझियममध्ये कार्यरत आहेत. या कालावधीत त्यांनी अनेक दगडांची तपासणी केली आहे. उल्कापिंडदेखील तपासले आहेत.
सिक्स पॅक्सचा नाद, महागडी सप्लिमेंट्स घेतली; घोड्याचं इंजेक्शन टोचलं अन् मग…
मी आतापर्यंत हजारो उल्कापिंडांची तपासणी केली आहे. डेविड यांना सापडलेलं उल्कापिंड अत्यंत मौल्यवान आहे. त्याची किंमत निश्चित केली जाऊ शकत नाही, असं हेन्री म्हणाले. त्यांनी डेविड यांना सापडलेल्या उल्कापिंडाची तपासणी केली. हे उल्कापिंड ४६० कोटी वर्ष जुनं आहे. त्याचं वजन १७ किली आहे. उल्कापिंड कापायचं असल्यास हिरे कापण्यासाठी वापरल्या जाणाऱ्या यंत्रणेचा वापर करावा लागेल, अशी माहिती हेन्री यांनी दिली.