aftab poonawala, आता तर दृश्यम-२ पण आला! आफताबची ‘विजय साळगावकर’ स्टाईल उत्तरं; देहबोलीनं पोलीस हैराण – shraddha walker death case aftab body language surprising police vicious person giving such answers questions

नवी दिल्ली: श्रद्धा वालकर प्रकरणाचा तपास पोलिसांसाठी मोठं आव्हान बनला आहे. पोलीस आरोपीकडून सत्य जाणून घेण्याचा प्रयत्न करत आहेत. आफताबनं श्रद्धाच्या हत्येची कबुली दिली. मात्र त्याला न्यायालयात दोषी सिद्ध करण्यासाठी पोलिसांना पुरेसे पुरावे हवे आहेत. त्यांचा शोध सुरू आहे. दिल्ली पोलीस दलातील सुत्रांनी दिलेल्या माहितीनुसार आफताब सातत्यानं खोटं बोलत आहे. त्यामुळे या प्रकरणाचा तपास आता एखाद्या चित्रपटाच्या कहाणीप्रमाणे सुरू आहे.

काही वर्षांपूर्वी दृश्यम चित्रपट आला होता. त्यात अजय देवगणनं विजय साळगावकरची भूमिका साकारली होती. खून पचवणारा, तो पोलिसांपासून मोठ्या हुशारीनं लपवणारा, त्यांची दिशाभूल करणारा विजय साळगावकर अजयनं उत्तमपणे साकारला होता. सगळं काही समोर असतं. मात्र दिसत काहीच नाहीच, अशी चित्रपटाची कथा होती. श्रद्धा प्रकरणातही परिस्थिती तशीच आहे. त्यामुळेच पोलिसांसमोर तपासाचं आव्हान आहे.
तुकडे, ठिकाणं… आफताबनं रफ नोटच्या माध्यमातून हिशोब ठेवला; आता पोलीस ‘हिशोब’ करणार?
आफताबनं हिंदीमध्ये विचारलेल्या प्रश्नांची उत्तरं इंग्रजीत दिली. बऱ्याचशा प्रश्नांना त्यानं एक-दोन वाक्यात उत्तरं दिली. अनेक प्रश्नांवर तो फक्त हसत होता. तू दृश्यम चित्रपट पाहिलास का, असा प्रश्न पोलिसांनी विचारला. त्यावर आता तर दृश्यम-२ देखील आलाय, असं उत्तर आफताबनं दिलं. अनेक प्रश्नांना आफताबनं आठवत नाही अशीदेखील उत्तरं दिली.

श्रद्धाचा खूप पूर्वनियोजित होता की अचानक झाला, असा प्रश्न आफताबला अनेकदा विचारण्यात आला. या प्रश्नाला आफताब सतत खोटी उत्तरं देत आहेत. आफताबनं श्रद्धाला संतापाच्या भरात संपवलेलं नाही. त्यानं यासाठी बऱ्याच दिवसांपासून कट रचला असल्याची खात्री पोलिसांना पटली आहे.
श्रद्धाला संपवल्यानंतर आफताब वसईत अन् ‘ते’ ३७ खोके दिल्लीत; अनेक प्रश्नांची उत्तरं मिळणार?
पोलिसांनी न्यायालयाला रिमांड लेटर सोपवलं आहे. त्यात एका ‘नोट’चा उल्लेख आहे. आम्हाला आफताबकडे एक नोट सापडली आहे. त्यात मृतदेहांच्या सगळ्या तुकड्यांचा हिशोब आहे. मृतदेहाचा कोणता तुकडा कुठे टाकला याची नोंद नोटमध्ये आहे, असं पोलिसांनी रिमांड लेटरमध्ये नमूद केलं आहे.

आफताब पोलिसांसमोर घाबरलेला दिसत नाही. तो त्रासला आहे, संकटात सापडला आहे असं त्याच्या देहबोलीतून जराही जाणवत नाही. त्याचे हावभाव पोलिसांना कोड्यात टाकत आहेत. पोलिसांसमोर आफताब अतिशय रिलॅक्स असतो. त्याची देहबोली अगदी सामान्य असते.