सुबरनपूर: ओदिशाच्या सुबरनपूर जिल्ह्यात एका पुजाऱ्याचा कीर्तनादरम्यान मृत्यू झाला आहे. या घटनेचा व्हिडीओ सोशल मीडियावर व्हायरल झाला आहे. भजन सुरू असताना पुजाऱ्याला हृदयविकाराचा झटका आला. तो अचानक खाली कोसळला. थोड्याच वेळात त्याचा मृत्यू झाला.

कीर्तन सुरू असताना पुजाऱ्याला हृदयविकाराचा झटका आला. कीर्तन करता करता तो गुडघ्यावर बसला. त्यानंतर उजव्या बाजूला कोसळला. पुजारी कोसळल्याचं पाहून त्याच्या आसपास असलेल्या भाविकांनी कीर्तन थांबवलं. थोड्याच वेळात त्याचा मृत्यू झाला. देवाच्या भक्तीत लीन होऊन उत्साहात कीर्तन करत असलेल्या पुजाऱ्याचा एकाएकी मृत्यू झाल्यानं परिसरावर शोककळा पसरली.
वडील २० मिनिटं ओरडले, संतप्त मुलानं २० वेळा…; कुटुंब संपवणाऱ्या लेकाचा भयानक प्रकार
दोन महिन्यांपूर्वी अशीच घटना बिहारच्या छपरा जिल्ह्यात घडली होती. छपरामधील मारुती मानस मंदिर परिसरात हनुमान जयंतीच्या उत्सवादरम्यान प्रवचन देत असताना मंदिराचे मुख्य सचिव आणि निवृत्त प्राध्यापक रणंजय सिंह यांना हृदयविकाराचा झटका आला. काही वेळानंतर त्यांचा मृत्यू झाला.

मारुती मानस मंदिरात हनुमान जयंतीच्या कार्यक्रमाचं आयोजन करण्यात आलं होतं. शनिवारी संध्याकाळी संत रत्नेश्वर यांचं प्रवचन सुरू होतं. ते अयोध्येहून कार्यक्रमासाठी आले होते. त्यांचं प्रवचन संपल्यानंतर संध्याकाळी ७ च्या सुमारास रणंजय सिंह भाविकांना संबोधित करत होते. याच दरम्यान त्यांना हृदय विकाराचा झटका आला आणि ते मंचावर कोसळले.
जंगलात शरीर संबंध ठेवायला लावले, मग फेविक्वीक टाकून संपवले; आता मांत्रिक पोलिसांना म्हणतो…
रणंजय सिंह मंचावर कोसळताच गोंधळाची परिस्थिती निर्माण झाली. मंदिर समितीच्या सदस्यांनी त्यांना तातडीनं छपरा येथील रुग्णालयात नेलं. तिथे डॉक्टरांनी त्यांना मृत घोषित केलं. हृदय विकाराचा झटका आल्यानंतर अवघ्या काही मिनिटांतच रणंजय सिंह यांचा मृत्यू झाल्याचं डॉक्टरांनी सांगितलं.

निवृत्त प्राध्यापक रणंजय सिंह भाविकांना संबोधित करत असताना तिथे उपस्थित असलेले अनेक जण चित्रिकरण करत होते. त्यामुळे संपूर्ण घटना मोबाईलमध्ये कैद झाली. थोड्याच वेळात सोशल मीडियावर व्हिडीओ व्हायरल झाला. रणंजय सिंह मंदिर समितीचे मुख्य सचिव होते. मारुती मानस मंदिराच्या स्थापनेपासून रणंजय सिंह मंदिराशी जोडलेले होते. मंदिराच्या उभारणीत त्यांनी मोलाचं योगदान दिलं.

LEAVE A REPLY

Please enter your comment!
Please enter your name here