नवी दिल्ली: रेल्वे स्थानकातील कँटिन्स असो वा गल्लीबोळातील दुकानं किंवा मग मोठंमोठी हॉटेल्स, बिस्लेरीची बाटली सगळीकडेच मिळते. देशातील सर्वात मोठी मिनरल कंपनी असलेली बिस्लेरी विकली जाणार आहे. १९६९ पासून रमेश चौहान यांनी कंपनीची धुरा सांभाळली. यानंतर कंपनीचा व्याप वाढला. भारतात बाटलीबंद पाण्याचा व्यापार २० हजार कोटी रुपयांचा आहे. यापैकी ६० टक्के भागिदारी असंघटित क्षेत्राची आहे. तर संघटित क्षेत्रात बिस्लेरीचा हिस्सा ३२ टक्के इतका आहे.

बिस्लेरीची ब्रँड व्हॅल्यू वाढवण्यात मोलाचा वाटा
अनेकदा कौटुंबिक व्यवसायावरून पुढच्या पिढीत वाद होतात. देशातील बड्या कुटुंबांमध्ये आपण असे वाद पाहिले आहेत. मात्र चौहान कुटुंबात वेगळीच परिस्थिती आहे. बिस्लेरी कुटुंबाचे मालक असलेल्या रमेश चौहान यांना एकच मुलगी आहे. जयंती चौहान या ३७ वर्षांच्या आहेत. त्या बिस्लेरी इंटरनॅशनलच्या वाईस चेअरपर्सन आहेत. वयाची २४ वर्षे पूर्ण झाल्यापासून त्या कौटुंबिक व्यवसायात लक्ष घालत आहेत.
दर तिसऱ्या दिवशी जातेय एका रेल्वे कर्मचाऱ्याची नोकरी; कारण वाचून म्हणाल लय भारी
जयंती यांनी आधी दिल्ली कार्यालयाची जबाबदारी सांभाळली. २०११ पासून त्यांनी मुंबई कार्यालयात लक्ष घातलं. जयंती यांच्या नेतृत्त्वाखालीच दिल्ली कार्यालयाची सुरुवात झाली. बिस्लेरीला आंतरराष्ट्रीय ब्रँड करण्यात त्यांचा मोलाचा वाटा आहे. कंपनीच्या जाहिरात आणि विपणन विभागाची जबाबदारी त्यांनी उत्तम हाताळली. कंपनीत ऑटोमेशन प्रोसेसची सुरुवात त्यांनीच केली.

फॅशन क्षेत्रात रस; शिक्षणही पूर्ण
जयंती यांचं लहानपण मुंबई, दिल्ली आणि न्यूयॉर्कमध्ये गेलं. सुरुवातीचं शिक्षण त्यांनी दिल्लीत घेतलं. त्यानंतर फॅशन डिझायनिंगच्या शिक्षणासाठी लंडनला गेल्या. लंडन कॉलेज ऑफ फॅशनमधून त्यांनी फॅशन डिझायनिंगमधील पदवी घेतली. यानंतर istituto marangoni milano मधून फॅशन स्टायलिंगचा कोर्स केला. जयंती सध्या लंडनमध्ये वास्तव्यास आहेत. फॅशन क्षेत्रातील शिक्षण आणि बिस्लेरीमधील ब्रँड बिल्डिंगचा अनुभव पाहता जयंती त्यांचा स्वत:चा फॅशन ब्रँड किंवा फॅशनशी संबंधित व्यवसाय सुरू करू शकतात.
आईनं लेकाला मायेपोटी घरी आणलं; नशामुक्ती केंद्रातून परतलेल्या मुलानं संपूर्ण कुटुंबाला संपवलं
जयंती स्वत:ची ओळख निर्माण करण्याच्या प्रयत्नात?
जयंती यांनी अद्याप तरी बिस्लेरी-टाटा डीलवर कोणतचं भाष्य केलेलं नाही. मात्र याबद्दलच्या बातम्या येत असताना जयंती यांनी त्यांच्या लिंक्डइनवर एक वाक्य लिहिलं आहे. ‘प्रत्येक गोष्टीला दोन पैलू असतात,’ या वाक्यातून जयंती यांनी सूचक भाष्य केलं आहे. जयंती वडिलांचा व्यवसाय सांभाळण्याऐवजी स्वत:ची स्वतंत्र ओळख निर्माण करतील असे कयास आहेत. बिस्लेरीला आंतरराष्ट्रीय ब्रँड म्हणून उभं करण्यात जयंती यांचा मोठा वाटा आहे. त्यामुळे त्या लवकरच स्वत:चा व्यवसाय सुरू करतील अशी दाट शक्यता आहे.

LEAVE A REPLY

Please enter your comment!
Please enter your name here