सोलापूर : सोलापूर जिल्हाधिकारी कार्यालयासमोर सोलापूर विकार मंचाचे चक्री उपोषण सुरू असून उपोषणाच्या ठिकाणी सिद्धेश्वर साखर कारखान्याचे संचालक धर्मराज कडादी आणि सोलापूर मंचचे केतन शहा यांच्या वादावादी निर्माण झाल्याने तणावाचे वातावरण निर्माण झाले आहे. हा वाद झाला असताना तुम्हाला गोळ्या घालीन अशी धमकी धर्मराज कडादी यांनी आपल्याला दिल्याचा गंभीर आरोप मंचचे केतन शहा यांनी केला आहे. वकिलांशी चर्चा करून या संदर्भात पोलिस ठाण्यात तक्रार दाखल करणार असल्याचे शहा यांनी म्हटले आहे.

या घडलेल्या प्रसंगाबाबत मिळालेल्या माहितीनुसार, तीन आठवड्यापासून सोलापूर जिल्हाधिकारी कार्यालयासमोर सोलापूर विकास मंचचे चक्री उपोषण सुरू आहे. सोलापुरात दररोज विमानसेवा सुरू व्हावी अशी या उपोषण कर्त्यांची मागणी आहे. विमानसेवेला सिद्धेश्वर सहकारी साखर कारखान्याची चिमणी अडथळा ठरत असल्याचे अनेकदा समोर आले आहे. ही चिमणी लवकरात लवकर पाडली जावी यासाठी तीन आठवड्यापासून सोलापूर जिल्हाधिकारी कार्यालयासमोर सोलापूर विकास मंचचे उपोषण सुरू आहे.

उस्मानाबादेत खळबळ; लॉजवर सुरू होता भलताच प्रकार, पोलिसांच्या छाप्यात ५ महिलांची सुटका
शनिवारी २६ नोव्हेंबर २०२२ रोजी सायंकाळी सिद्धेश्वर सहकारी साखर कारखान्याचे संचालक धर्मराज कडादी हे सोलापूर आंदोलनाठिकाणी आले आणि सोलापूर विकास मंचचे केतन शहा यांसोबत वादावादी झाली. याबाबतचे व्हिडीओ देखील सोशल मिडियावर वायरल झाले आहे. मला गुन्हेगार कसे काय म्हणाले, असा जाब विचारत असल्याचे या व्हिडीओमध्ये स्पष्टपणे दिसत आहे.

एकमेकांना बघून घेण्याची अरेरावीची भाषा

शनिवारी सायंकाळी सिद्धेश्वर सहकारी साखर कारखान्याचे संचालक धर्मराज कडादी सोलापूर जिल्हाधिकारी कार्यालयासमोर आले आणि थेट आंदोलनाच्या ठिकाणी पोहोचले. यावेळी सोलापूर विकास मंचचे केतन शहा, मिलिंद भोसले, विजय जाधव आदी उपस्थित होते. साखर कारखान्याची चिमणी पाडण्याच्या मुद्द्यावरून धर्मराज कडादी आणि केतन शहा यांमध्ये वादावादी सुरू झाली. एकमेकांना बघून घेण्याची भाषा करण्यात आली. मला गुन्हेगार कसे काय म्हटला याचा जाब विचारू लागले.

क्लिक करा आणि वाचा- Fifa World Cup : इंग्लिश फुटबॉलपटूंच्या दारुबाज पाटनर्स, भरपूर ढोसली, बिल पाहून व्हाल थक्क!

महानगरपालिका आयुक्तांसोबत मंदिर भेटी वरून झाला वाद

सोलापूर महानगरपालिका आयुक्त म्हणून शीतल तेली उगले यांनी पदभार घेतला आहे. शीतल तेली उगले यांनी सिद्धेश्वर मंदिरात जाऊन दर्शन घेतले होते. यावेळी सिद्धेश्वर सहकारी साखर कारखान्याचे संचालक देखील उपस्थित होते. यावर उपोषणाला बसलेल्या विकासमंचच्या सदस्यांनी मनपा आयुक्तांना भेटून तुम्ही गुन्हेगारांसोबत मंदिरात जाऊन दर्शन घेता का, असा प्रश्न उपस्थित केला होता.

क्लिक करा आणि वाचा- Fifa World Cup: ५ मुलांची आई मेस्सीची चाहती, केरळहून कार घेऊन एकटीच पोहोचली कतारला, कारमध्ये स्वयंपाकघर

यावरून धर्मराज कडादी यांनी संताप व्यक्त करत जाब विचारला की, कोर्टाने मला गुन्हेगार म्हणून घोषित केले आहे का, तुम्ही कसे काय गुन्हेगार म्हणता असे विचारले. यावरून वाद झाला. ‘तुम्हाला गोळ्या घालीन’, अशी धमकी देखील दिल्याचा आरोप यावेळी केतन शहा यांनी केला आहे. वकिलांसोबत चर्चा करून सदर बाजार पोलीस ठाणे येथे फिर्याद दाखल करणार असल्याची माहिती केतन शहा यांनी दिली.

LEAVE A REPLY

Please enter your comment!
Please enter your name here