कल्याणमध्ये बिबट्याने धुमाकूळ घातला होता १० तासांच्या प्रयत्नानंतर बिबट्याला पकडण्यात यश आलं. मात्र या बिबट्याच्या हल्ल्यात तोपर्यंत ५ जण जखमी झाले होते. यापैकी राजीव पांडे हे एक. दिव्यांग असूनही बिबट्याशी झुंज देत त्यांनी आपल्या बाळाचा जीव वाचवला.

 

divyang father fights leopard and save child in kalyan
सहा दिवसांच्या बाळासाठी दिव्यांग वडिलांची बिबळ्याशी झुंज, कल्याणमधील थरारक घटना समोर
म. टा. वृत्तसेवा, कल्याण : बिबळ्याच्या हल्ल्यात डोक्यावर, हातावर आणि पाठीवर खोल जखमा झालेले राजीव पांडे शनिवारी तीन दिवसांच्या उपचारानंतर घरी परतले. मात्र जिन्यात घडलेला बिबळ्याच्या हल्ल्याचा प्रसंग त्यांच्या नजरेसमोरून जात नाही. त्यांच्या डोक्यावर ४०, तर नाकाजवळ २० टाके घालण्यात आले आहेत. पाठीवरदेखील उपचार करण्यात आले. इतका गंभीर हल्ला झाल्यानंतरदेखील एका हाताने अपंग असलेल्या राजीव यांनी आपल्या सहा दिवसांच्या बाळाला छातीशी कवटाळून त्याचा जीव वाचवला. त्यांच्या भावाने जिवाची पर्वा न करता आरडाओरडा केल्याने बिबळ्या वरच्या मजल्यावर पळून गेला.

बिबळ्याच्या हल्ल्यात आत्तापर्यंत तीन जण जखमी झाले. यातील एकावर मुंबईतील रुग्णालयात उपचार सुरू आहेत. तर दोघांना उपचार करून घरी पाठवण्यात आले. या घटनेत बिबळ्याने पहिला हल्ला राजीव पांडे यांच्यावर केला. राजीव आपल्या सहा दिवसांच्या बाळाला कोवळे उन देण्यासाठी इमारतीखाली उतरले होते. इतक्यात नागरिकांचा गलका ऐकल्यानंतर बाळाला घरी सुरक्षित नेण्यासाठी ते इमारतीच्या दिशेने धावले. त्यांना बिबळ्या इमारतीत शिरल्याची कल्पनादेखील नव्हती. अंधाऱ्या जिन्यातून घराकडे जात असलेल्या पहिल्या मजल्याच्या जिन्यावर दबा धरून बसलेल्या बिबळ्याने मागून त्यांच्यावर हल्ला केला. थेट डोक्यावर झडप मारल्यानंतरही त्यांनी आपल्या हातातील बाळाला सोडले नाही, उलट आपल्या भावाला पळून जाण्यास सांगितले. त्यांच्या आणि भावाच्या ओरडण्यामुळे घाबरलेल्या बिबळ्याने वरच्या दिशेने पळ काढला. त्यानंतर लगेचच ते इमारतीखाली उतरल्याने त्यांचा जीव वाचला. त्यांना तत्काळ रुग्णालयात दाखल करण्यात आले. व्यवसायाने खासगी क्लासमध्ये शिक्षक असलेले राजीव या धक्क्यातून अद्याप सावरलेले नाहीत. मात्र आपल्या बाळाला कसलीही दुखापत झाली नसल्याचे समाधान त्यांना आहे.

Leopard : कल्याणमध्ये बिबळ्याचा थरार, रहिवाशांनी १० तासांनंतर सोडला सुटकेचा

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here