तोल जाऊन रेल्वेतून खाली पडली, पण पोलिसाने जीवाची बाजी लावून वाचवलं, थरारक VIDEO समोर
याप्रकरणी, विमातळ पोलिसांनी आरोपींविरुद्ध दहशत पसरवणे आणि आर्म अॅक्टनुसार गुन्हा दाखल केला. याबाबत पोलीस कर्मचारी प्रभाकर देवकाते (वय ३२) यांनी फिर्याद दिली आहे. ही घटना शुक्रवारी रात्री दहा ते साडे दहा वाजताच्या सुमारास तुकाराम महाराज मंदीर चौक व गणपती चौक लोहगाव परिसरात घडली होती.
पोलिसांनी दिलेल्या माहितीनुसार, चौघे आरोपी शुक्रवारी रात्री दारू प्यायले. यानंतर आपणच परिसरातील भाई आहोत, आपली परिसरात दहशत पाहिजे, अशी त्यांची आपआपसांत चर्चा झाली. यानंतर ते संत तुकाराम चौकात दुचाकीवरुन आले. तेथे नितीन सकट याने पिस्तूल बाहेर काढून हवेत दोन गोळ्या झाडल्या. तसंच उपस्थितांना धमकावत कोणी आमच्या वाट्याला गेले तर आम्ही गोळ्या झाडू, कोणालाही जिवंत सोडणार नाही, असा दम भरला. त्यानंतर सर्व आरोपी दुचाकीवरुन गणपती चौकात गेले. तेथे सकटने पुन्हा एकदा हवेत गोळी झाडली. तेथेही आरडाओरडा करत नागरिकांना दमदाटी केली. या घटनेची माहिती मिळताच वरिष्ठ पोलीस अधिकार्‍यांनी घटनास्थळी धाव घेतली.
दरम्यान, दाखल गुन्ह्याच्या अनुषंगाने तपास करत असताना, पोलीस कर्मचारी योगेश थोपटे, गिरीष नानेकर व सचिन जाधव यांना बातमीदारामार्फत माहिती मिळाली होती की, गोळीबार करणारे संशयित आरोपी लोहगाव परिसरात थांबले आहेत. त्यानुसार वरिष्ठ पोलीस निरीक्षक विलास सोंडे, गुन्हे निरीक्षक मंगेश जगताप यांच्या मार्गदर्शनाखाली पोलीस उपनिरीक्षक अविनाश ढावरे, कर्मचारी अविनाश शेवाळे, सचिन कदम, अंकुश जोगदंड, नाना कर्चे, रुपेश तोडेकर, यांच्या पथकाने छापा टाकून चौघांना ताब्यात घेतले. त्यांच्याकडे केलेल्या चौकशीत दहशत निर्माण करण्यासाठी गोळीबार केल्याची त्यांनी कबुली दिली. पुढील तपास एस. एस. कोळ्ळुरे हे करत आहेत.
